Trú á eigin getu, viðhorf og árangur nemenda í rúmfræði með aðstoð forritsins GeoGebra

• Main Author: Alexandra Viðar 1974-
• Other Authors: Háskóli Íslands
• Format: Thesis
• Language: Icelandic
• Published: 2014
• Subjects: Meistaraprófsritgerðir; Náms og kennslufræði; Stærðfræðikennsla; Stærðfræðinám; Rúmfræði; Kennsluforrit; Geogebra (forrit); Námsumhverfi; Rannsóknir; Braut; Reykjavík
• Online Access: http://hdl.handle.net/1946/19494

Markmið þessarar rannsóknar var að kanna áhrif notkunar GeoGebra í stærðfræði– með áherslu á rúmfræði– á nám nemenda með því að skoða tengsl milli trúar þeirra á eigin getu, viðhorfs til stærðfræði/rúmfræði og árangurs þeirra. Lögð var áhersla á möguleika sem felast í uppgötvunarmiðuðu námskeiði með aðstoð forritsins GeoGebra sem boðið var nemendum á almennri braut, „Brautabrú“, við Kvennaskólann í Reykjavík. Rannsóknin er unnin með blandaðri aðferðafræði og niðurstöður hennar byggjast á spurningakönnunum fyrir og eftir þátttöku nemenda í rannsókninni og viðtölum við nemendur og umsjónarkennara þeirra að rannsókn lokinni. Úr greiningu gagna komu fram vísbendingar um aukin árangur nemenda í rúmfræði og trú þeirra á eigin getu í rúmfræði eftir innleiðingu forritsins GeoGebra í námsumhverfi þeirra. Niðurstöður gáfu meðal annars til kynna að getuminni nemendur í stærðfræði telji viðhorf sitt til rúmfræði hafa breyst eftir innleiðingu forritsins GeoGebra í námi þeirra. Að auki leiddi það til þess að bæði sjálfstraust þeirra og árangur í stærðfræði hefur aukist.