TRADHISI ZIARAH ING PETILASAN-PETILASAN WONTEN ING GUNUNG SRANDIL DESA GLEMPANG PASIR KECAMATAN ADIPALA KABUPATEN CILACAP

Panaliten menika gadhah ancas kangge ngandharaken asal-usulipun tradhisi ziarah, prosesi ziarah, makna simbolik sesajen ingkang dipun ginakaken wonten ing tradhisi ziarah, saha paedahipun ziarah tumrap warga panyengkuyung. Panaliten menika ngginakaken metode panaliten kualitatif. Caranipun ngempalak...

Full description

Bibliographic Details
Main Author: Wicaksana, Andhika
Format: Thesis
Language:English
Published: 2014
Subjects:
Bahasa Jawa
Cara
Sultan
Tapa
sami
Online Access:http://eprints.uny.ac.id/18129/
http://eprints.uny.ac.id/18129/1/Andhika%20Wicaksana%2009205244046.pdf
Description
Summary:Panaliten menika gadhah ancas kangge ngandharaken asal-usulipun tradhisi ziarah, prosesi ziarah, makna simbolik sesajen ingkang dipun ginakaken wonten ing tradhisi ziarah, saha paedahipun ziarah tumrap warga panyengkuyung. Panaliten menika ngginakaken metode panaliten kualitatif. Caranipun ngempalaken data wonten ing panaliten menika ngangge cara observasi berpartisipasi saha wawancara mendalam. Pirantining panaliten wonten ing panaliten menika panaliti piyambak ingkang kabiyantu dening tape recorder, camera digital saha piranti kangge nyerat. Caranipun nganalisis data ngginakaken teknik analisis induktif. Caranipun ngesahaken data lumantar triangulasi metode saha triangulasi sumber. Asiling panaliten menika nedahaken bilih: (1) Asal-usul Tradhisi Ziarah inggih menika dipun adani saking jaman Majapahit bilih sesampunipun kangge tapa dening Prabu Brawijaya Pamungkas kaliyan Mahapatih Gajah Mada saha para pujangganipun, lajeng ingkang versi satunggalipun inggih menika nyebataken bilih Gunung Srandil dipunangge nyebaraken agami Islam wonten ing pesisir pantai selatan ingkang dipun wiwiti dening Mbah Gusti Agung Sultan Ahmad Murahidin ingkang salajengipun dipun ginakaken dening masarakat panyengkuyung kangge ritual nyaketaken kaliyan Gusti Ingkang Maha Kuwaos. Bentenipun versi mboten ndadosaken perkawis dening masarakat panyengkuyung, sedayanipun sami ngurmati menapa ingkang sampun ngrembaka. (2) Prosesi tradisi ziarah (a) sowan ing petilasan-petilasan wonten ing gunung srandil. (b) ngubengi gunung srandil. (c) panutup. (3) Makna simbolik sesajen menika kangge mahyakaken raos sukur kita dhateng ngarsaning Gusti supados peziarah tansah pinaringan kawilujengan, katentreman, kabagaswarasan sarta pinaringan gampil anggenipun ngupadi rejeki ing sajroning lampah pagesanganipun. (4) Paedahipun tradhisi Ziarah tumraping masarakat panyengkuyung inggih menika (a) paedah spiritual, (b) paedah sosial, (c) paedah pelestari tradhisi, saha (d) paedah ekonomi.

Similar Items