Um réttaráhrif og framkvæmd dýraverndarlaga á Íslandi

• Main Author: Árni Stefán Árnason 1960-
• Other Authors: Háskólinn í Reykjavík
• Format: Thesis
• Language: Icelandic
• Published: 2011
• Subjects: Dýravernd; Lög; Lögfræði; Meistaraprófsritgerðir; Iceland
• Online Access: http://hdl.handle.net/1946/9458

Þessi ritgerð fjallar um dýraverndarlöggjöfina á Íslandi og framkvæmd hennar. Því er hafnað í henni, sem oft er haldið fram að lögin séu barn síns tíma og rökstutt af hverju þau teljast ágætis verkfæri, sé þeim beitt í samræmi við markmið löggjafans. Bent er á dæmi um hagsmuni dýra, sem lögskýringargögn gefa vísbendingar um að ætlunin hafi verið að vernda en því ekki fylgt í framkvæmd hvorki af framkvæmdavaldi né dómsvaldi. Alvarleiki brota endurspeglist t.d ekki í refsiákvörðunum dómstóla. Dýravelferðar sé ekki gætt á Íslandi á þann hátt, sem til má ætlast og lesa má úr lögum og lögskýringargögnum að sé tilgangur og markmið laga. Fjallað er um verkmiðjubúskap, eftirlit hans og aðbúnaðarreglugerðir. Komist er að þeirri niðurstöðu að slíkur búskapur og þær reglugerðir, sem honum er ætlað að fylgja séu ekki í samræmi við það, sem telja verður að felist í hugtakinu dýravelferð, eins og birtingarmynd þess kemur fram í lögum um dýravernd. Lýst er hvernig aðrar þjóðir hafa nálgast dýraverndarhugsunina í stjórnarskrá og löggjöf og komist er að þeirri niðurstöðu, að fylla megi upp í eyður á þessu sviði á Íslandi með nýrri nálgun í hugsun og t.d. breyttu orðalagi laga. Gildandi réttur sé þó fullgilt verkfæri sé hann notaður rétt, hugsaður af dýpt og túlkaður í þágu dýranna, sem honum er ætlað að vernda. Í því skyni að gera dýraverndarlöggjöf virkari í þágu dýra er komist að þeirri niðurstöðu að aukinnar fræðslu sé þörf. Sú fræðsla þarf að ná til neytenda og allt til æðstu stjórnvalda þ.m.t. dómstóla. Kenningar um rétt dýra eru reifaðar. Í þeim kemur fram að maðurinn beri skyldu gagnvart sköpunarverkinu, einkum dýrum, sem tilfinningarverum. Ekki sé hægt að ráðskast með líf þeirra með hagsmuni mannsins eins að leiðarljósi. Um þetta verður fjallað í sögulegu samhengi. This paper will discuss the Animal Protection Act in Iceland and its implementation. A frequently argued point that this Act is a product of its own time is rejected, and reasons are stated why this Act could be an excellent tool if applied according to the ...