| Summary: | Gjörgæsluálit (GÁT) var tekið í notkun á Landspítala í febrúar 2007. Hlutverk GÁT-teymis er tvíþætt, annars vegar að vera ráðgefandi við mat og meðferð mikið veikra sjúklinga á legudeildum, hins vegar að styðja og fræða heilbrigðisstarfsfólk á legudeildum. Rannsókninni var beint að starfsemi GÁT-teymis frá innleiðingu þess í byrjun ársins 2007 til loka ársins 2010. Markmið rannsóknarinnar var fyrst og fremst að vera lýsandi um starfsemi GÁT-teymis. Vel upplýst heilbrigðisstarfsfólk er líklegra til að nýta sér teymið, því er mikilvægt að efla þekkingu og skilning á teyminu. Notuð var afturvirk lýsandi aðferðafræði og var gögnum safnað frá skráningareyðublaði GÁT-teymis. Þátttakendur voru allir sem fengið höfðu gjörgæsluálit á tímabilinu 1. febrúar 2007 til 31. desember 2010. Niðurstöður rannsóknarinnar sýna að alls voru 466 GÁT útköll á rannsóknartímabilinu. Helstu ástæður útkalla tengdust öndun/öndunarvegi og áhyggjum starfsfólks á legudeild. Helstu meðferðir sem GÁT-teymið veitti voru tengdar öndun þ.e. súrefnismeðferð og aðstoð með ytri öndunarvél. Í kjölfar GÁT útkalls voru 23% sjúklinga fluttir á gjörgæsludeild, 69% lágu áfam á legudeild en hluti sjúklinga (15%) fékk formlegt eftirlit frá gjörgæsludeild í kjölfar GÁT útkallsins. Með tilkomu GÁT-teymis á Landspítala hafa úrræði og aukið eftirlit með mikið veikum sjúklingum verið bætt til muna. Lykilorð: gjörgæsluálit (GÁT), hnignun sjúklinga, afdrif sjúklinga. Abstract A rapid response system was implemented at Landspítali – the National University Hospital of Iceland in February of 2007. The Rapid Response Team's (RRT) role is twofold. First, to advise on the evaluation and treatment of critically ill inpatients and, secondly, to provide support and instruction to inpatient ward staff. The present research focused on the RRT's activities from its inception in early 2007 until the end of 2010. As well-informed staff members are more likely to use the team's services the study's primary goal was to describe the RRT's role and operations. A retroactive ...
|
|---|