| Summary: | Umferð um Suðurlandsveg, þar sem hann liggur frá Hveragerði og austur fyrir Selfoss, hefur verið að aukast mikið á síðustu árum og í dag er þjóðvegurinn einn sá fjölfarnasti á landinu. Í náinni framtíð hyggst Vegagerðin tvöfalda veginn og færa hann út fyrir Selfoss í þeim tilgangi að auka umferðaröryggi og afkastagetu hans. Framkvæmdir þar sem þjóðvegur flyst út fyrir þéttbýli geta haft víðtæk áhrif í för með sér, samfélagsleg og umhverfisleg í jákvæðum og neikvæðum skilningi. Markmið rannsóknarinnar var að skoða möguleg samfélagsleg áhrif framkvæmdarinnar á Selfoss og varpa skýrara ljósi á mikilvægi þess að rannsaka og meta þau áhrif til að koma í veg fyrir að hagsmunaaðilar verði fyrir neikvæðum áhrifum í kjölfar framkvæmda. Við gagnaöflun voru tekin sex opin viðtöl við einstaklinga sem tengdust áætluðum framkvæmdum á Suðurlandsvegi á einhvern hátt. Helstu niðurstöður sýndu að mikilvægt er að flytja veginn út fyrir þéttbýli. Vegurinn er orðinn að faratálma þar sem hann liggur í gegnum Selfoss og umferðartafir á álagstímum algengar. Í kjölfar færslu Suðurlandsvegar út fyrir Selfoss myndi ferðatími fólks sem á leið um svæðið styttast og umferðaröryggi aukast. Lífsskilyrði íbúa á Selfossi myndu batna, draga myndi úr mengun innanbæjar og aðgengi að þjónustu yrði betra í kjölfar minni umferðar í gegnum bæinn. Mikilvægt er að hagsmunaaðilar á svæðinu séu vel upplýstir um ólíka áhrifaþætti framkvæmdarinnar og nýti þau markaðstækifæri sem felast í færslu Suðurlandsvegar út fyrir bæinn. Það þarf að vinna markvisst af því að búa til sérkenni og skapa aðdráttarafl til að koma í veg fyrir neikvæð efnahagsleg áhrif. Lykilorð: samgöngubætur, hliðarvegir, samfélagsleg áhrif, markaðstækifæri Traffic on South Iceland Route 1, Ring Road, where it lies from Hveragerði through Selfoss, has constantly been increasing in the last few years. Today it is one of the most travelled roads in the country. With the construction of a new road The Icelandic Road Administration (i. Vegagerðin), is planning to make a two lane wide road in ...
|
|---|