| Summary: | Verkefnið er opið nemendum og starfsfólki Háskólans á Akureyri Fyrirtæki í alþjóðlegum viðskiptum verða að vanda val sitt við ráðningu á stjórnendum. Íslensk fyrirtæki eru ung í alþjóðavæðingunni og þurfa því á hæfileikaríkum og reynslu miklum stjórnendum að halda. Það er því mikilvægt þegar ráða þarf stjórnanda til alþjóðlegra fyrirtækja að vanda ráðningarferlið og velja áreiðanlegustu aðferðafræðina við að ráða réttan aðila. Hægt er að fara ýmsar leiðir í ráðningarferlinu við val á umsækjanda í stjórnunarstöðu en þær helstu eru staðbundin viðtöl, persónuleikapróf eða hæfnispróf. Þessi aðferðafræði er talin nokkuð áreiðanleg til að komast að því hvort viðkomandi sé hæfur og uppfylli kröfur sem gerðar eru til starfsins. Það er því mikilvægt að búið sé að greina hverjar kröfurnar eru og eins hvaða eiginleika umsækjandi þarf að hafa til að fá ráðningu. Hægt er að nota niðurstöður úr viðtölum eða prófum til að bera saman umsækjanda við þær kröfur sem eru gerðar og taka þannig ákvörðun um endanlegt val á ráðningu. Þátttakendur í rannsókninni voru fjögur íslensk útrásarfyrirtæki. Þessi fyrirtæki eru í alþjóðlegum viðskiptum á sviði framleiðslu- og sölu, fjármála, fjárfestinga og smásölu. Tekin voru viðtöl við stjórnendur þessara fyrirtækja sem hafa með ráðningar í stjórnunarstöðu að gera. Rannsóknin var byggð upp með það í huga að fá svar við því hvað réði endanlegu vali við ráðningu í stjórnunarstöðu hjá fyrirtækjunum. Samkvæmt rannsókninni er helst hægt að nefna að persónueinkenni ráði endanlegu vali eftir að umsækjandi hefur gengið í gegn um allt ráðningarferlið. Niðurstöður rannsókna sýndu ekki fram á nýja aðferðafræði. Fyrirtækin nota fræðin samhliða sínum aðferðum við ráðningar í stjórnunarstöðu. Lykilhugtök: Stjórnandi Alþjóðlegur stjórnandi Val á stjórnanda Ráðningarferlið
|
|---|