| Summary: | Heilsuferðamennska er nýlegt hugtak sem nær yfir vítt svið ferðamennsku. Þessi tegund ferðamennsku hefur verið stunduð í aldaraðir en er ný af nálinni á Íslandi. Erfitt hefur reynst að skilgreina hugtakið en flestir eru þó sammála um það að heilsuferðamennsku sé hægt að skipta í tvo flokka. Þeir eru vellíðunarferðamennska og lækningaferðamennska. Bláa lónið er frumkvöðull slíkrar ferðamennsku á Íslandi. Bláa lónið hefur skapað umfjöllun um heilsuferðamennsku á Íslandi og hefur markaðssetning fyrirtækisins síðastliðin ár beinst sífellt meira að heilsuferðamennsku. Markmið þessarar rannsóknar er að greina hugtakið heilsuferðamennska og skoða hvernig markaðssetning Bláa lónsins hefur breyst með tilliti til hennar. Einnig eru framtíðaráform í heilsuferðamennsku könnuð. Til þess að fá innsýn í þessi efni voru tekin tvö viðtöl og sótt ráðstefna um málefni heilsuferðamennsku á Íslandi og framtíð hennar. Viðtöl voru tekin við Magneu Guðmundsdóttur kynningarstjóra Bláa lónsins og Jón Gunnar Borgþórsson sérfræðing hjá Íslandsstofu. Helstu niðurstöður þessarar rannsóknar eru þær að heilsuferðamennska er á byrjunarreit vaxtar samkvæmt líftímakúrvu. Markaðssetning Bláa lónsins hefur orðið beinskeyttari undanfarin ár hvað varðar markaðssetningu með hliðsjón af heilsuferðamennsku. Framtíðin virðist vera björt og samband milli einkaaðila og stjórnvalda er að styrkjast. Með meiri vöruþróun er hægt að auka gæði þjónustunnar og þar með að laða ferðamenn til landsins sem eru reiðubúnir til þess að greiða meira fyrir betri þjónustu. Health Tourism is a recent term that encompasses a wide range of tourism. This type of tourism has been practiced for centuries, but is considered new in Iceland. It has proved difficult to define the concept, however, most agree that health tourism can be divided into two groups. They are wellness tourism and medical tourism. The Blue Lagoon is a pioneer of such tourism in Iceland. Blue Lagoon has created a discussion of health tourism in Iceland and the marketing of the company has over the last few ...
|
|---|