| Summary: | Verkefnið er opið nemendum og starfsfólki Háskólans á Akureyri Tilgangur þessarar skýrslu er að bera saman frammistöðumat Fjölbrautaskóla Suðurnesja við þær hugmyndir sem fræðimenn hafa um slíkt mat. Frammistöðumat er aðferð sem stjórnendur nota til þess að ná því besta út úr starfsfólki sínu. Matið byggist upp á því að fyrst er starfið sem meta skal skilgreint nákvæmlega, því næst eru þeir þættir sem skipta máli fyrir markmið fyrirtækisins/stofnunarinnar mældir og að lokum veitir matsaðili starfsmanninum endurgjöf. Ýmsar aðferðir eru til að mæla frammistöðu, og eru þær misjafnar allt eftir eðli þess starfs sem mælt er. Frá árinu 2001 hafa kennarar við Fjölbrautaskóla Suðurnesja verið metnir eftir frammistöðumatskerfi. Hluti launagreiðslna þeirra fer eftir frammistöðu þeirra samkvæmt matinu. Árið 2006 urðu kennarar og skóli ásátt um að skipta út matsþáttum þar sem þeir þóttu of huglægir, auk þess sem breytingar voru gerðar á úthlutun þeirra launa sem byggðist á matinu. Sem stendur er verið að meta kennara eftir hinu nýja kerfi og verður byrjað að greiða eftir því haustið 2007. Til þess að kanna betur þá þætti sem kennarar voru óánægðir með framkvæmdi höfundur könnun meðal 40 kennara á vegum skólans. Niðurstaðan er sú að almennt séu kennarar jákvæðir í garð frammistöðumatsins. Niðurstöður skýrslunnar eru þær að faglega sé að málum staðið hjá skólanum.
|
|---|