Fleira veit sá er fleira reynir : gildi grenndarkennslu og fjölbreyttra kennsluhátta í nútímaþjóðfélagi

Verkefnið er opið nemendum og starfsfólki Háskólans á Akureyri Ritgerð þessi er unnin sem lokaverkefni til B.Ed. prófs við Kennaradeild Háskólans á Akureyri vorið 2007.Viðfangsefni ritgerðarinnar er að leitast við að sýna fram á hvernig auka megi skynjun og næmi nemenda fyrir umhverfi sínu og hvers...

Full description

Bibliographic Details
Main Author: Lára Skæringsdóttir
Other Authors: Háskólinn á Akureyri
Format: Thesis
Language:Icelandic
Published: 2007
Subjects:
Online Access:http://hdl.handle.net/1946/632
Description
Summary:Verkefnið er opið nemendum og starfsfólki Háskólans á Akureyri Ritgerð þessi er unnin sem lokaverkefni til B.Ed. prófs við Kennaradeild Háskólans á Akureyri vorið 2007.Viðfangsefni ritgerðarinnar er að leitast við að sýna fram á hvernig auka megi skynjun og næmi nemenda fyrir umhverfi sínu og hvers vegna þess er þörf í nútímasamfélagi. Með breyttum atvinnuháttum og hröðum tækniframförum er hætta á að verðmæt þekking og menning glatist og falli í gleymsku sé þess ekki gætt að hlúa að henni. Í fyrri hluta ritgerðarinnar er fjallað um grenndarfræði og þau hugtök sem henni tengjast eru skilgreind. Lögð er áhersla á nauðsyn þess að efla grenndarkennslu í skólum og hverju það megi skila bæði nemandanum og samfélaginu í heild. Fjallað er um virkt nám og ýmsar kenningar sem tengjast kennslufræði og færð rök fyrir því að æskilegt sé að nota fjölbreytta kennsluhætti og samþættingu námsgreina til að auka veg grenndarkennslu. Bent er á leiðir eins og leitarnám, hópavinnu og þemanám til þess að auka fjölbreytileika í kennnsluháttum. Leitast er við að sýna fram á hverju slík vinnubrögð skila og hvernig nálgast má þau í kennslunni. Í seinni hluta ritgerðar er svo að finna tillögu að þemaverkefni þar sem unnið er með sögustaði og náttúru í Vestmannaeyjum og byggir á þeim námshugmyndum og kennslufræði sem kynnt hefur verið. Verkefnið sýnir fram á hvernig hægt er að flétta grenndarkennsluna inn í aðrar námsgreinar og dýpka þannig skilning nemenda á umhverfi sínu eða grennd, þannig að þau beri virðingu og væntumþykju fyrir þvi.