| Summary: | Ritgerðin „Tilgangur refsinga. Eru fangelsi úrelt?“ fjallar um þróun laga um fullnustu refsinga á Íslandi, rekur sögu fangelsa og kenningar um tilgang og markmið refsinga. Í ritgerðinni er sérstök áhersla lögð á breytingar sem urðu með lögum um fullnustu refsinga nr. 15/2016 og hvaða áhrif þær hafa haft á fullnustu refsinga á Íslandi. Einnig er framkvæmd fullnustu refsinga í Noregi gerð skil og gerður samanburður við hið íslenska kerfi. Niðurstöður ritgerðarinnar sýna að þrátt fyrir umbætur á fullnustulöggjöfinni er framkvæmd fullnustukerfisins enn að miklu leyti takmörkuð. Fjármagnsskortur og skortur á mögulegum úrræðum hefur áhrif á getu kerfisins til að veita nauðsynlega þjónustu á sviði geðheilbrigðis og félagslegrar aðstoðar við fanga. Á sama tíma hefur þjóðfélagsumræðan um nauðsyn fangelsa og hlutverk þeirra í samfélaginu þróast í takt við alvarlegri brot meðal yngri aldurshópa og aukna áherslu á öryggi almennings. Rannsókn ritgerðarinnar leiðir í ljós að fangelsi séu ekki úrelt úrræði þegar kemur að því að tryggja samfélagsöryggi, svala réttlætiskennd og veita viðbrögð við alvarlegustu brotum. Hins vegar eru fangelsi ekki varanleg lausn nema með því að auka áherslu á endurhæfingu fanga á meðan á afplánun stendur, sem myndi skila sér í betri samfélagsaðlögun og lægri endurkomutíðni í fangelsi. Án þeirrar þjónustu er hætta á að markmiðum refsinga verði ekki náð ekki á árangursríkan hátt. Því má segja að tilgangur refsinga sé að stuðla að samfélagsöryggi með ábyrgð og réttlæti, með aukinni áherslu á betrun og endurhæfingu fanga, sérstaklega hvað ungmenni varðar. Í ritgerðinni leggur höfundur því til að stjórnvöld leggi aukna áherslu á að móta heildstæða stefnu í fangelsismálum, þar sem samfélagsaðlögun og endurhæfing verði í fyrirrúmi, samhliða því að tryggja öryggi almennings. This thesis, „The purpose of punishment. Are prisons outdated?“ explores the development of legislation regarding the enforcement of criminal sentences in Iceland, tracing the history of prisons and theories on the purpose and goals ...
|
|---|