| Summary: | Í þessu lokaverkefni er inngilding hinsegin nemenda í skólum í Kópavogi rannsökuð. Sjónum er beint að því hvernig hinsegin fræðslu er háttað í skólunum og hversu markviss hún er. Markmiðið er að rannsaka að hvaða marki umhverfi og skólamenning sé inngildandi fyrir hinsegin nemendur, hvernig bakslagið birtist í skólunum og áhrif kerfislægra þátta og pólitískra stefna á inngildingu. Notuð var eigindleg rannsóknaraðferð þar sem tekin voru átta hálfopin viðtöl við skólastjórnendur í átta grunnskólum í Kópavogi og var hún framkvæmd veturinn 2023-2024. Viðtölin voru tekin upp og afrituð orðrétt. Gögnin voru túlkuð og þemagreind. Niðurstöðurnar leiddu í ljós tvö þemu: (1) Fánum flaggað og nemendur fá þau skilaboð að umhverfið sé öruggt á meðan sís-gagnkynhneigð viðmið eru ráðandi. Niðurstöður sýna að sís-gagnkynhneigðarhyggja er ráðandi í skólaumhverfinu og þegar hinsegin fánum er flaggað er þeim ætlað að gefa nemendum þau skilaboð að umhverfið sé öruggt fyrir hinsegin nemendur. Niðurstöðurnar sýna að hinsegin andúð birtist í umhverfi allra skólanna í formi þöggunar, neikvæðrar orðræðu og fordóma. Fánarnir senda fölsk skilaboð um öruggt umhverfi því hinsegin nemendur verða auk þess fyrir öráreiti. Seinna þemað er: (2) Kerfislægir þættir og pólitískar stefnur eins einstaklingshyggja og nýfrjálshyggja ýta undir jaðarsetningu viðkvæmra hópa. Þar kemur í ljós að hugmyndir nýfrjálshyggju kemur í veg fyrir breytingar á skólasamfélaginu þar sem litið er á hinsegin andúð sem vanda fárra, óupplýstra eða fordómafullra einstaklinga sem þurfi að laga. Þeir einstaklingar tilheyra sjálfir oft minnihlutahópi og sökinni er kastað á þá í stað þess að fara í róttækari aðgerðir sem krefjast kerfisbreytinga. Niðurstöðurnar sýna að hugmyndir nýfrjálshyggju um innlimun samkynhneigðra í samfélagið skapi hættu á að aðrir minnihlutahópar, eins og til dæmis nemendur með námsvanda eða erlendan bakgrunn verði útilokaðir. Niðurstöðunum er ætlað að varpa ljósi á stöðu hinsegin nemenda í skólum í Kópavogi og vonast er til að þær auki samtal í átt að ...
|
|---|