| Summary: | Í þessari ritgerð verður sjónum beint að ráðherrum á Íslandi með tilliti til öryggis þeirra og friðhelgi einkalífs, með hliðsjón af samfélagsbreytingum almennt og fjölgunar fólks frá ólíkum menningarheimum sem hér hefur sest að. Einkum verða mannréttindaákvæði stjórnarskrár skoðuð, lýðræði og þá friðhelgi einkalífs. Þá mun höfundur fjalla um Alþingi og friðhelgi þess, sbr. ákvæði stjórnarskrár, embætti ráðherra, vernd og siðareglur sem um þá gilda. Embætti ríkislögreglustjóra verður til umfjöllunar, auk greiningardeildar embættisins en hlutverk hennar er m.a. að sinna verkefnum sem hafa það að markmiði að efla öryggi æðstu stjórnar ríkisins, sbr. b-lið 2. mgr. 5. gr. lögreglulaga nr. 90/1996. Nokkur mál munu verða til skoðunar þar sem komið hafa upp atvik sem flokka má sem atlögur að öryggi ráðherra og Alþingi Íslendinga. Um er að ræða ýmis atvik, allt frá því að búsáhaldabyltingin svokallaða var gerð í kjölfar falls íslensku bankanna og efnahagshrunsins árið 2008 og fram til dagsins í dag og er helstu heimilda um það að leita í fjölmiðlum. Dómar er varða málin verða til skoðunar, bæði dómar hvað varðar tjáningarfrelsi og friðhelgi einkalífs, dómar sem féllu í kjölfar búsáhaldabyltingarinnar og tveir dómar Mannréttindadómstóls Evrópu sem eru athyglisverðir með tilliti til efnis ritgerðarinnar. Þá gerir höfundur stuttlega grein fyrir öryggismálum gagnvart ráðherrum í nágrannalöndum okkar, þ.e. í Danmörku og Svíþjóð. Lykilorð: Stjórnarskrá – mannréttindi – ráðherrar – einkalíf – vernd. This essay will primarily focus on the security of ministers in Iceland in light of changing societal norms and structures. Specifically, it will examine provisions of the constitution regarding human rights, particularly the sanctity of private life. Additionally, the author will discuss the Icelandic Parliament and its sanctity, as outlined in constitutional provisions, ministerial roles, duties, and ethical standards that govern them. The Office of the National Police Commissioner will be addressed, with particular emphasis on ...
|
|---|