| Summary: | Þessi lokaritgerð er til M.Ed. prófs í menntunarfræði við Háskólann á Akureyri. Markmið ritgerðar er að varpa ljósi á styttingu náms til stúdentsprófs á kjarnagreinarnar, íslensku, ensku og stærðfræði. Í fræðilega hlutanum verður farið yfir sögu skólahalds á Íslandi frá lok 19. aldar og tilurð framhaldsskólans og þeim breytingum sem átt hafa sér stað í skólamálum Íslendinga. Að því loknu skal taka fyrir aðdraganda að styttingu til stúdentsprófs og innleiðingu nýrrar námskrár og hvort styttingin hafi afgerandi áhrif á líf nemenda. Viðfangsefnið er hvernig nýja námskráin í framhaldsskólum og þriggja ára stúdentspróf hefur breytt því að erfiðara er að meta hvað nemendur hafi lært í kjarnagreinunum milli framhaldsskóla. Rannsókn ritgerðar er að skrifa um þriggja ára stúdentspróf og bera saman námskrá í völdum framhaldsskólum í kjarnagreinunum auk þess að skoða hvaða áfangar teljast til kjarna, hver er fjöldi áfanga og innihald þeirra. Það mætti t.d. velta fyrir sér hvort allir skólar leggi áherslu á það sama í almennum kjarna. Rannsóknin felst í því að bera saman námskrár í íslensku, ensku og stærðfræði milli ákveðinna framhaldsskóla. Rannsóknin er framkvæmd aðallega með því að skoða námskrár, áfangalýsingar og kennsluefni af heimasíðum og í opnum viðtölum við kennara þessara faggreina. Ég tel þessa rannsókn hafi tilgang til þess að meta hvað nemendur læra og hvort það hafi áhrif á inntöku í háskóla fyrir námsgengi þeirra eða hvort æskilegt væri að samræma ákveðið efni sem grunn í öllum skólunum. Í þessari rannsókn voru skoðaðar námskrár í 11 framhaldsskólum sem snúa að fjölda áfanga í kjarnagreinunum þremur, innihaldi til skylduáfanga og valáfanga sem nemendum gefst kostur á. Niðurstöður rannsóknarinnar gefa vísbendingar um mikið álag á nemendur vegna styttingar framhaldsskólans og að styttingin hafi ekki skilað sér til hagsbóta fyrir nemendur og kennara. Lykilorð: Kjarnagreinar, stúdentspróf, aðalnámskrá, framhaldsskólar This final essay is M.Ed. degree in education at the University of Akureyri. The aim of the ...
|
|---|