Summary: | Verkefni þetta samanstendur af greinargerð og verkefnahefti sem dregur innblástur frá tveimur sýningum í Safnahúsi Húsavíkur. Í greinargerðinni er fjallað um áherslur íslenska menntakerfisins í list- og menningarmenntun, hlutverki safna og miðlun menningararfsins, með sérstaka áherslu á Safnahúsið á Húsavík og sögu þess. Þá verður fjallað um kennsluaðferðina umbreytandi nám (e. transformative learning) og tengt við aðferðir myndlæsis á borð við sjónræna ígrundun (e. visual thinking stratagies) og kennsluefni Listasafns Íslands, Sjónarafl - þjálfun í myndlæsi, en öll þessi atriði voru höfð að leiðarljósi við gerð verkefnaheftisins. Þar að lokum verður greint frá innihaldi verkefnaheftisins og notkun þess. Verkefnaheftið sjálft inniheldur upplýsingar til kennara um innihald þess, hæfniviðmið Aðalnámskrár grunnskóla sem höfð voru til hliðsjónar við gerð verkefnanna og verkefnin sjálf; sex verkefni og þrjár æfingar í myndlæsi á verkum í safneignar Myndlistasafns Þingeyinga. Markmið þessa verkefnis er tvíþætt, annars vegar að styrkja tengingu safnsins á Húsavík við grunnskólann og hins vegar að búa til verkefni sem ýta undir gagnrýna hugsun og tjáningu nemenda með aðferðum fyrr nefndra hugmyndafræða. Í heimsóknum höfundar í Safnahús Húsavíkur kom í ljós að það býr yfir afar fjölbreyttri safneign en sýningarnar fjalla að mestu um samband manna og náttúrunnar og er því undirliggjandi þema verkefnanna náttúru- og umhverfisvitund.
|