| Summary: | Bakgrunnur: Ákveðnir lífshættir geta haft mikil áhrif á störf sjúkraþjálfara. Mikilvægt er að rannsaka þá þætti hjá íslenskum sjúkraþjálfurum ásamt starfsánægju þeirra. Rannsókn sem þessi á störfum sjúkraþjálfara á Íslandi hefur ekki verið gerð áður. Erlendar rannsóknir hafa sýnt innan sem utan sjúkraþjálfunar meiri starfsánægju og sjálfræði hjá verktökum miðað við launþega en launþegar upplifa meira starfsöryggi. Aðferðir: Sendur var frumsaminn spurningalisti til sjúkraþjálfara á Íslandi til að komast að því hvort munur sé á lífsháttum milli þeirra sem vinna sem verktakar eða launþegar og hvernig þeir meta sína eigin starfsánægju. Megindlegri aðferðafræði var beitt í formi spurningalista sem var sendur með gefnu leyfi frá Félagi sjúkraþjálfara á félagsmenn frá 9. október til 2. nóvembers. Notast var við kí-kvaðrat próf til úrvinnslu á marktektarmælingu þar sem marktektargildi var p<0,05. Niðurstöður: Svarhlutfall þátttakenda innan Félags sjúkraþjálfara var 37% (n=246). Marktækur munur var á átta þáttum milli verktaka og launþega. Marktækur munur var á aldri (p=0,027), kyni (p<0,001), starfsaldri (p<0,001), streitu/álagi (p=0,014), mætingu í vinnu út frá veikindum eða slappleika (p=0,014), vinnustundum (p=0,011), matar- og kaffitíma (p=0,004) og sjálfræði í starfi (p=0,014). Ekki fannst marktækur munur á veikindadögum á mánuði (p=0,850), starfskvíða (p=0,969), öflun nýrrar þekkingar (p=0,897), samskipta og tengsla við samstarfsfélaga (p=0,366), hreyfingu (p=0,191), svefnlengdar (p=0,061), svefngæða (p=0,437), starfsánægju (p=0,973), ánægju með laun (p=0,753), og á virðingu og staðfestingu á menntun og starfi frá samstarfsfélögum (p=0,069). Ályktanir: Verktakar finna marktækt minna fyrir streitu eða miklu álagi í starfi, mæta oftar í vinnu veikir eða með slappleika, vinna fleiri vinnustundir á viku, og upplifa meira sjálfræði í starfi en launþegar. Launþegar eru marktækt eldri, með hærri starfsaldur og taka sér lengra matar- og kaffihlé en verktakar. Áhugavert væri ef framtíðar rannsóknir myndu skoða ...
|
|---|