| Summary: | Inngangur: Háþrýstingur er umfangsmikið heilsufarsvandamál á heimsvísu en hann er einn aðaláhættuþáttur hjarta- og æðasjúkdóma. Til eru fimm aðalflokkar blóðþrýstingslækkandi lyfja; ACE-hemlar, angíótensín II blokkar, kalsíumgangalokar, þvagræsilyf og beta- og alfa-blokkar. Svipuð blóðþrýstingslækkandi áhrif fást með lyfjaflokkunum en finna þarf meðferð sem hentar hverjum og einum sjúklingi. Reglulegt eftirlit er mikilvægur þáttur háþrýstingsmeðferða. Markmið: Markmið rannsóknarinnar var að kanna stöðu háþrýstingsmeðferða á tveimur heilsugæslum á höfuðborgarsvæðinu með tilliti til blóðþrýstingsmælinga, meðferðarmarkmiða og lyfjanotkunar. Niðurstöður rannsóknarinnar voru bornar saman við klínískar leiðbeiningar og aðrar rannsóknir á viðfangsefninu. Efni og aðferðir: Rannsóknin er afturskyggn, lýsandi gagnarannsókn. Þýði rannsóknarinnar voru einstaklingar >18 ára með skráða greininguna frumkominn háþrýstingur og skráðir annað hvort á Heilsugæslunni Seltjarnarnesi og Vesturbæ (HH-SV) eða Heilsugæslunni Efstaleiti (HH-E). Þátttakendur rannsóknarinnar voru valdir með slembivali úr þýðunum tveimur. Gögn voru fengin úr gagnagrunni Heilsugæslu höfuðborgarsvæðisins en viðbótarupplýsingum var einnig aflað með því að skoða tveggja ára tímabili, frá 1. september 2021 til 31. ágúst 2023, í sjúkraskrám þátttakenda í Sögu, sjúkraskrárkerfi. Niðurstöður: Hlutfall þátttakenda sem höfðu blóðþrýstingsmælingu framkvæmda af heilbrigðisstarfsmanni skráða í sjúkrasögu, hvort sem hún var skráð í þar til gerðan skráningardálk í Sögu eða aðeins í sjúkraskrárnótur, var 76,3% fyrir þátttakendur frá HH-SV og 78,8% fyrir þátttakendur frá HH-E. Niðurstöður rannsóknarinnar sýndu að 55,5% þátttakenda frá HH-SV og 43,3% þátttakenda frá HH-E náðu meðferðarmarkmiðum. Alls voru 78,8% allra þátttakenda rannsóknarinnar á blóðþrýstingslækkandi lyfjameðferð. Algengast var að þátttakendur beggja stöðva væru á einlyfjameðferð. Næst algengast var að þátttakendur frá HH-SV væru á tveggja lyfja meðferð en næst algengast var að þátttakendur frá HH-E væru ...
|
|---|