"Welcome to the Machine": Viðskiptaumhverfi tónlistar á Íslandi
Á Íslandi er lifandi tónlistariðnaður og nokkur fjöldi íslensks tónlistarfólks hefur náð töluverðum árangri innlendis sem erlendis. Þekking á viðskiptum og viðskiptamódeli tónlistariðnaðarins er gífurlega mikilvægur þáttur í því að gera tónlistarfólki kleift að skapa sér tekjur og starfa við tónlist...
Main Author: | |
---|---|
Other Authors: | |
Format: | Bachelor Thesis |
Language: | Icelandic |
Published: |
2024
|
Subjects: | |
Online Access: | http://hdl.handle.net/1946/46159 |
Summary: | Á Íslandi er lifandi tónlistariðnaður og nokkur fjöldi íslensks tónlistarfólks hefur náð töluverðum árangri innlendis sem erlendis. Þekking á viðskiptum og viðskiptamódeli tónlistariðnaðarins er gífurlega mikilvægur þáttur í því að gera tónlistarfólki kleift að skapa sér tekjur og starfa við tónlist. Samhliða tónlistarsköpun er mikill fjöldi fagaðila starfandi út um allan heim sem hefur sérhæft sig í því að koma tónlistarfólki á framfæri og hámarka tekjur þess. Í þessari rannsókn verður athyglinni að mestu beint að þessum aðilum og hvaða áhrif þeir hafa á hvernig tónlist endar í eyrum neytenda. Tilgangur verkefnisins er að kortleggja íslenska tónlistariðnaðinn og bera hann saman við alþjóðlega tónlistariðnaðinn, með það að markmiði að benda á þau svæði sem þarf að styrkja hérlendis. Í rannsókninni voru tekin fimm viðtöl við aðila starfandi á mismunandi sviðum í íslenska tónlistariðnaðinum sem rannsakandi taldi geta veitt mikla innsýn í raunverulegu stöðu tónlistariðnaðarins á Íslandi. Samkvæmt niðurstöðum rannsóknarinnar er íslenski tónlistariðnaðurinn að hluta til vanþróaður í samanburði við alþjóðlegan tónlistariðnað en yfirleitt má rekja það til smæð markaðarins á Íslandi. Mikil ánægja ríkir meðal aðila í íslenska tónlistariðnaðinum yfir tilurð nýrrar Tónlistarmiðstöðvar þar sem skortur á fræðslu, fjármögnun og innviðum hefur haldið mjög aftur af framgöngu iðnaðarins hingað til. Opinberir styrkir til uppbyggingu fyrirtækja í tónlist hafa verið af skornum skammti og yfirleitt runnið aðeins til tónlistarsköpunar. Einnig eru skiptar skoðanir um þau áhrif sem opinberir styrkir hafa á framgöngu og uppbyggingu á tónlistariðnaðinum. Útflutningur íslenskrar tónlistar hefur haft gífurleg áhrif á velgengni íslensks tónlistarfólks en vöntun er á íslenskum tónlistarforleggjurum til þess að tekjur af íslenskri tónlist erlendis haldist innan landsteinanna og fari ekki til erlendra aðila eins og tíðkast hefur. |
---|