| Summary: | Í þessari ritgerð er fjallað ítarlega um íslenska húsnæðismarkaðinn en einnig er snert á húsnæðismörkuðum nágrannaþjóða okkar, Danmerkur, Noregi og Svíþjóðar. Tekið var viðtal við þrjá sérfræðinga sem tengjast húsnæðismarkaðinum með ólíkum hætti til að fá mismunandi skoðanir og þeir fengnir til að spá fyrir um framtíðarhorfur íslenska húsnæðismarkaðarins. Húsnæðismarkaðir nágrannaþjóðanna þriggja voru svo bornir saman við markaðinn hér á landi til að stækka sjóndeildarhringinn og skoða hvað er að gerast í kringum okkur. Í fyrri hluta ritgerðarinnar er fjallað um hinn almenna húsnæðismarkað áður en farið yfir þróun hans og sögu á Íslandi. Einnig er snert á kaupum á húsnæði, hverjir lánveitendur eru, hvernig lán er hægt að taka og hver stuðningurinn er frá hinu opinbera fyrir fyrstu kaupendur og þá tekjulágu í samfélaginu. Í seinni hluta ritgerðarinnar er fjallað lauslega um húsnæðismarkaði Danmerkur, Noregs og Svíþjóðar og þeir bornir saman við íslenska húsnæðismarkaðinn. Gögnin leiða í ljós að vísitala húsnæðisverðs hefur hækkað mest á síðustu misserum á Íslandi, í samanburði við nágrannaþjóðirnar, þegar notast er við árið 2015 sem grunnvísitölu en það útskýrir háværar raddir í fréttum og fjölmiðlum um miklar hækkanir á húsnæðisverði. Árið 2015 var valið af handahófi og notað sem grunnvísitala til að fá betri innsýn í hækkun húsnæðisverði landanna þegar litið er til skemmri tíma. Þrátt fyrir þessa hækkun er fermetraverðið á Íslandi og í Reykjavík töluvert lægra en í hinum löndunum og höfuðborgum þeirra. Samkvæmt skýrslu frá Evrópska kerfisáhætturáðinu er veikleika að finna á húsnæðismarkaði allra nágrannaþjóðanna og tvo þeirra áttu allar þjóðirnar áttu sameiginlega. Það var mikil skuldsetning heimila og áhyggjur vegna lánþegaskilyrða. Í lok ritgerðarinnar er farið yfir framtíðarhorfur íslenska húsnæðismarkaðarins samkvæmt þremur sérfræðingum. Þeir eru ekki bjartsýnir á að hægjast muni á verðhækkunum í nánustu framtíð en telja þó góðar líkar á aukningu á framboði húsnæðis næstu árin sem leiði vonandi af sér meira ...
|
|---|