| Summary: | Tilgangur þessarar rannsóknar er að skoða upplifun og reynslu kvenna sem bera slæðu á Íslandi og áhrif orðræðu og neikvæðra staðalímynda á Vesturlöndum um múslima á tækifæri þeirra og aðgengi að íslensku samfélagi. Stuðst er við kenningar Edward Said um oríentalisma. Oríentalismi er skilgreindur sem hugmyndafræðilegt afl sem notað er til að reyna að einfalda þjóðfélagshópa til pólitískrar eða fræðilegrar hagkvæmni og leggur mikla áherslu á skil á milli „okkar” og „hinna” en í dag er í flestum tilfellum átt við múslima þegar fjallað er um „hina”. Skilgreiningin „íslömsk samfélög“ er víða notuð en hugtakið er mikil einföldun á menningarsiðum, hugmyndafræði og trúarlegum fjölbreytileika innan íslam. Einnig er lögð áhersla á hnattvæðingu og fólksflutninga í tengslum við öryggi og félagslegan jöfnuð en deilur eru um hvort að hnattvæðing hafi í för með sér jöfn tækifæri fyrir alla eða hvort hnattvæðing leiði til aukinnar sundrungar. Þessar kenningar ásamt öðrum eru svo settar í samhengi við múslima til að sýna fram á þann raunveruleika sem minnihlutahópar á Íslandi búa við og hvaða áhrif ríkjandi orðræða um múslima og múslimskar konur í Vesturlöndum hefur á stöðu þeirra á Íslandi. Rannsókn þessi er tilviksrannsókn með áherslu á hugtök á borð við orðræðu, oríentalisma, hnattvæðingu, fólksflutninga, staðalímyndir, menningu, þjóðernishyggju, trúarbrögð, trúfrelsi og íslam. Tekin voru viðtöl við sex múslimskar konur sem bera slæður á Íslandi til þess að að öðlast dýpri skilning á framvindu mála og afleiðingum þess að bera slæðu á Íslandi. Niðurstöðurnar gefa vísbendingar um mikilvægi aukinnar fræðslu og vitundar um ólíka menningarhópa á Íslandi, þ.á.m. íslam, og hvernig sú þekking getur leitt til bættrar stöðu múslimskra kvenna á Íslandi. The purpose of this study is to examine the experience of Muslim women wearing hijabs in Iceland and what impact negative discourse and stereotypes in the West about Muslims have on their opportunities and access to the Icelandic society. Edward Said's theories about Orientalism are ...
|
|---|