| Summary: | Þessi greinargerð er hluti af tvíþættu meistaraverkefni í Hagnýtri menningarmiðlun við Háskóla Íslands. Annars vegar er greinargerð með fræðilegum bakgrunni og rannsókn, og hins vegar útvarpsþættir sem voru unnir upp úr viðtölum sem höfundur tók. Hægt er að skilgreina jafnrétti sem það ástand sem ríkir þegar allir einstaklingar sem tilheyra ákveðnum hópi njóta sömu réttinda og eru ekki útilokaðir á grundvelli ákveðinna þátta. Það má segja að á Íslandi ríki formlegt lagalegt jafnrétti og stór skref hafa verið tekin til að jafna bilið á milli kynja, en þrátt fyrir það er ýmsu ábótavant og rannsóknarspurning þessarar greinargerðar er hvort Ísland sé í raun sú jafnréttisparadís sem fólk vill vera láta. Til að leggja mat á það voru alþjóðleg gögn og opinbert stöðumat skoðað og einnig tekin rýnisviðtöl til að fá dýpri skilning á upplifun íslenskra kvenna. Stiklað er á stóru í sögu jafnréttisbaráttu kvenna á Íslandi og fjallað um stofnun Kvenréttindafélagsins, kvennafrídaginn, kjör Vigdísar Finnbogadóttur og róttæk frumvörp sem hjálpuðu stöðu kvenna. Listi Sameinuðu þjóðanna þar sem aðildarríkjum er raðað eftir árangri við að ná heimsmarkmiðunum sýnir að Ísland var í 29. sæti árið 2021 yfir heildina. Ísland var í fyrsta sæti á kynjabilslista Alþjóðaefnahagsráðsins fyrir árið 2021, tólfta árið í röð. Í glerþakslista The Economist situr Ísland í öðru sæti á eftir Svíþjóð árið 2021. Lög nr. 150, um jafna stöðu kynjanna, voru uppfærð árið 2020 en þau eru mjög mikilvæg fyrir jafnréttisbaráttu því þar kemur fram að bannað sé að mismuna á grundvelli kyns á nokkurn hátt. Hefur forsætisráðuneytið greint og gefið út skýrslu um stöðu jafnréttis, sem var miðlað á Jafnréttisþingi árið 2020, þar sem fjallað er um hinar ýmsu víddir jafnréttis. Helstu niðurstöður þar voru meðal annars gögn um þróun atvinnuþáttöku kvenna og aðgerðir vegna #MeToo. Niðurstöður úr einstaklingsviðtölum sem höfundur tók við gagnavinnslu gefa til kynna að margt hafi áunnist í jafnréttisbaráttunni á Íslandi. Sem dæmi má nefna ýmis félagsleg kerfi, s.s. ...
|
|---|