| Summary: | Vinnustaðamenning er víðtækt hugtak sem mótast af viðhorfum, venjum og siðareglum innan sérhverrar skipulagsheildar. Hún hjálpar starfsfólki að tilheyra skipulagsheildinni með því að setja samskipti og atburði í samhengi og skapa þannig gildi og sameiginlega hugmyndafræði. Í þessari ritgerð er fjallað um hugtakið, vinnustaðamenningu, og gerð grein fyrir kenningum og mælitækjum sem algengt er að nota við greiningar á því. Denison mælitækið er eitt þeirra mælitækja sem er notað til þess að mæla styrk- og veikleika vinnustaðamenningar og er jafnframt mælitæki þessarar rannsóknar. Markmið rannsóknarinnar voru tvö. Í fyrsta lagi að greina vinnustaðamenningu frístundamiðstöðvar út frá nýrri útgáfu spurningalista Denison. Í öðru lagi að bera niðurstöðurnar saman við samskonar rannsókn út frá eldri spurningalistanum. Tilgangur rannsóknarinnar var að varpa ljósi á nýja útgáfu spurningalistans og þær breytingar sem hafa verið gerðar á milli útgáfna, auk þess að skoða þýðingu nýrrar útgáfu yfir á íslensku til þess að auðvelda notkun í rannsóknum hérlendis. Þessi rannsókn setti því fordæmi með notkun nýrrar útgáfu spurningalista Denison hérlendis og mun hún því fyrst og fremst gagnast þeim sem vilja nýta sér nýju útgáfuna í sínum rannsóknum. Rannsóknin beindist að vinnustaðamenningu Tjarnarinnar, frístundamiðstöðvar í Reykjavík og fór fram í febrúar 2021. Niðurstöðurnar gáfu til kynna að vinnustaðamenning Tjarnarinnar væri sterk þar sem allar yfirvíddir mældust á styrkleikabili innan mælitækisins. Dreifing undirvíddanna var mun jafnari í nýju útgáfunni sem bendir til þess að betra jafnvægi sé á starfsemi Tjarnarinnar að þessu sinni. Í öllum tilvikum mældist tölfræðilega ómarktækur (p>0,05) munur á yfirvíddum Tjarnarinnar milli útgáfna. Tölfræðilega marktækur (p<0,05) munur mældist hins vegar í þremur undirvíddum Þróun mannauðs og hæfni, Breytingar og Framtíðarsýn. Sökum þess að spurningum hefur verið fækkað á milli útgáfna er mælitækið gert notendavænna og þægilegra í framkvæmd. Auk þess virðist íslensk þýðing nýju ...
|
|---|