| Summary: | Meistaraverkefni þetta er viðskiptaáætlun í kringum viðskiptahugmyndina Dine Iceland. Lausnin sem fyrirtækið kemur til með að leysa snýr að hvernig matur er pantaður og hvernig hægt er að gera þjónustu veitingastaða skilvirkari, nútímalegri og arðbærari. Markmið verkefnisins var að heimfæra hugmyndina yfir á viðskiptaáætlun með viðeigandi markaðsgreiningum og útreikningum. Slík áætlun gefur til kynna stærðargráðu verkefnisins ásamt áætluðum heildartíma og kostnaði við að framkvæma viðskiptahugmyndina. Þegar búið var að áætla stofnkostnað fyrir Dine Iceland var framkvæmd þriggja ára rekstraráætlun. Tölulegar upplýsingar áætlunarinnar voru nýttar við útreikninga á fræðilegri ávöxtunarkröfu fjárfesta. Einnig var viðskiptahugmyndin núvirt til að varpa ljósi á verðmat viðskiptahugmyndarinnar ásamt fjárþörf hlutafjárs frá væntum fjárfestum og gengið sem þeir kaupa hlutina á. Þegar áætlað sjóðsstreymi og efnahagsreikningur viðskiptahugmyndarinnar var greindur mátti álykta að um gott viðskiptatækifæri gæti verið að ræða. Niðurstöður gáfu til kynna að ef fyrirtæki yrði stofnað í kringum viðskiptahugmyndina kemur stofnkostnaður til að vera 43.379.000 kr. Gert er ráð fyrir tapi upp á 38.256.000 kr. á fyrsta ári þar sem stofnkostnaður er afskrifaður. Á öðru ári er gert ráð fyrir hagnað upp á 682.000 kr. Á þriðja ári er áætlaður hagnaður 11.094.000 kr (EBITA). Skuldir og eigið fé undir lok þriðja árs eru 17.688.000 kr og áætlað handbært fé undir lok þriðja árs er 12.212.000 kr. CAPM greining leiddi í ljós að fræðileg ávöxtunarkrafa fjárfesta er 22,1% sem var sambærileg og áætluð rekstrarafkoma á þriðja ári sem var 20,7%. Viðskiptahugmyndin var núvirt út frá þriggja ára rekstraráætlun. Núvirði viðskiptahugmyndarinnar var 43.382.485 kr. Í viðauka 1. er rekstrarreikningur fyrir viðskiptahugmyndina sem spannar þrjú ár, tímalína viðskiptaáætluinnar er í ársfjórðungum. Hægt er að finna helstu lykiltölur sem snúa að væntri rekstrarafkomu Dine Iceland í viðaukanum. This masters project is a business plan around the Dine Iceland ...
|
|---|