| Summary: | Skólastofnanir standa frammi fyrir breyttu umhverfi kennslu eftir tilkomu snjalltækja og notkun þeirra er orðinn æ ríkari þáttur í daglegu lífi barna og unglinga. Árið 2015 hóf Kópavogsbær innleiðingu spjaldtölva í grunnskólum bæjarins og var lögð áhersla á eitt tæki á hvern nemanda frá 5. bekk. Samhliða breyttum kennsluháttum vakna spurningar um áhrif af notkun snjalltækja á líf og skólastarf nemenda. Eykur tæknin svigrúm þeirra til að dýpka þekkingu sína, getu þeirra til að sækja og vinna úr gögnum og færni þeirra til að miðla niðurstöðum á skapandi hátt? Á móti heyrast raddir í þá veru að tölvunotkun dragi úr beinum samskiptum og hreyfingu, ýti undir svefnleysi og kalli fram einelti af nýjum toga. Nokkuð hefur verið fjallað um innleiðingu á notkun spjaldtölva út frá sýn kennara og breyttum kennsluháttum en lítið um viðhorf og reynslu nemenda. Markmið þessa meistaraverkefnis er að kanna viðhorf og reynslu nemenda í 6. bekk í völdum skóla í Kópavogi til spjaldtölvunotkunar í skólastarfi, námi og frístundum. Rannsóknin er eigindleg og byggð á opnum spurningaramma. Rætt var við tvo rýnihópa, sex stelpur og sex stráka. Viðtölin voru hljóðrituð, endirrituð og greind eftir þemum sem mótuðust við greininguna. Niðurstöður gefa til kynna að nemendum líki breyttir kennsluhættir og þeir nýti tölvurnar til lesturs, upplýsingaöflunar, ritunar og sköpunar. Strákar nýta tölvurnar meira í leiki en stelpurnar segjast mest nota skólatengd öpp. Rannsóknin endurspeglar sýn nemenda á notkun spjaldtölva og nýrra kennsluhátta, hvað þeir telja vel gert og hvað megi betur fara. Áhugavert væri að fylgja rannsókninni eftir með vettvangsathugun í skólastofu en því varð ekki við komið vegna takmarkana á skólahaldi í veirufaraldri. Einnig mætti skoða stærri hóp með úrtaki við fleiri skóla. Implementation of smart devices into schools has changed the environment of teaching and become an increasingly important part of childrens and teenagers lives. In 2015, the municipality of Kópavogur began introducing tablets into schools at the ...
|
|---|