| Summary: | Góð leiðsögn sem og góð reynsla nemenda í vettvangsnámi er talin leiða af sér góða fagímynd og faglegt öryggi og eru nemendur þá betur í stakk búnir til þess að starfa sem iðjuþjálfar. Markmið rannsóknarinnar er að varpa ljósi á viðhorf nemenda til leiðsagnar í vettvangsnámi í iðjuþjálfunarfræði í Háskólanum á Akureyri. Sú spurning sem leiðir verkefnið er: Hvað einkennir leiðsögn leiðbeinenda sem styður við nám á vettvangi að mati iðjuþjálfanema? Til þess að svara spurningunni var notast við eigindlega aðferðafræði og upplýsinga aflað með úrvinnslu á svörum 54 iðjuþjálfanema úr matsheftinu ,,Mat nemenda á reynslu úr vettvangsnámi” frá árunum 2014-2018 og stuðst við eigindlega innihaldsgreiningu við greiningu gagna. Niðurstöður voru settar fram í fjögur meginþemu: Tækifæri á vettvangi, vikulegir fundir, góð fyrirmynd og góð leiðsögn og þrjú undirþemu sem heyra undir góða leiðsögn: Gefa endurgjöf, örva faglega rökleiðslu og hvetja til sjálfstæðis. Samkvæmt niðurstöðunum þá virðast tíð og góð samskipti og tengsl milli nemanda og leiðbeinanda skipta höfuð máli um gæði leiðsagnar. Mikilvægt er að huga vel að jafnvægi milli nemanda, náms og umhverfis þ.e. að kröfur námsins séu í samræmi við getu og hæfni nemandans sem og að hann upplifi sig við stjórn á því sem hann fæst við og skiptir hann máli. Lykilhugtök: Vettvangsnám, leiðsögn, leiðbeinandi, iðjuþjálfanemi, fagímynd It is of paramount importance that students get the best possible supervision and experience during fieldwork as that enhances good professional identity and professional confidence and leads to students being better prepared to work as occupational therapists. The purpose of this research was to shed a light on students’ perspective towards occupational therapy fieldwork supervision at University of Akureyri. The key question in this research is: What defines fieldwork supervision that facilitates learning according to occupational therapy students? Qualitative research method was applied to answer the question and data gathered from 54 students ...
|
|---|