| Summary: | Ljóðaskáldið og leikritahöfundurinn Miguel Hernández Gilbert lést einungis 31 árs að aldri árið 1942, en markaði á stuttri ævi sinni djúp spor í spænska bókmenntasögu. Í ritgerð þessari, sem unnin er til fullnustu B.A. gráðu í spænsku með þjóðfræði sem aukafag við Háskóla Íslands, eru helstu einkenni ljóða höfundar á mismunandi tímabilum ævi hans rannsökuð. Sjónum er sérstaklega beint að því hvernig ljóðagerð spænska skáldsins þróast, með tilliti til bragfræði, myndmáls og notkunnar orðaforða á tímum mikilla samfélagslegra og pólitískra breytinga. Sérstaklega er horft til þess að skáldskaparferli Hernández má skipta upp í þrjú ólík tímabil á ævi höfundar: sem unglingur að taka sín fyrstu skref í ljóðlist (1925 – 1931), ár uppgötvana og ástríðna í Madrid (1931 – 1936), og að lokum lífsreynsla skáldsins í eftirmála spænsku Borgarastyrjaldarinnar (1937 – 1942). Í viðauka við ritgerðina er að finna bragfræðigreiningu fyrir hvert og eitt þeirra ljóða sem fjallað verður um, auk þýðinga ljóðanna yfir á íslensku sem stuðst er við til að öðlast betri skilning á þróun höfundar sem ljóðaskálds, jafnt með tilliti til forms sem og efnis. Í greiningarvinnu skáldskaparferils og ljóðagerðar Hernández er víða leitað fanga en sérstaklega stuðst við bækur José Luis Ferris Anatología Poética (2010) og Miguel Hernández: Pasiones, cárcel y muerte de un poeta (2016), auk safnritsins La obra completa de Miguel Hernández (2018) sem Jesúcristo Riquelme ritstýrði, ásamt fleira efni sem varpar ljósi á ljóð og líf höfundar. Spurt er hvernig höfundarverk skáldsins þróast á 17 ára tímabili með tilliti til stílbragðs, efnislegs inntaks og samfélagslegra gilda. El poeta y dramaturgo Miguel Hernández Gilbert, cuya obra ha marcado una profunda huella en la literatura española, murió en el año 1942, con a apenas 31 años. En esta tesis de grado en español, con etnología como asignatura optativa en la Universidad de Islandia, Háskóli Íslands, se pretende estudiar las características principales de su poesía en distintas épocas de su vida. Donde, ...
|
|---|