Mat á árangri tíu tíma hópmeðferðar við kvíða barna: Klókir krakkar

Árangur tíu tíma hópmeðferðar við kvíðaröskunum barna var rannsakaður. Hann var borinn saman við árangur af sex tíma samskonar meðferð sem var athugaður árið 2005. Aðalmarkmið rannsóknarinnar var því að sjá hvort fjögurra tíma viðbót, sem innihélt námsefni um félagsfærni, ákveðni og þrautalausn, myn...

Full description

Bibliographic Details
Main Authors: Lydía Ósk Ómarsdóttir 1983-, Unnur Vala Guðbjartsdóttir 1983-
Other Authors: Háskóli Íslands
Format: Thesis
Language:Icelandic
Published: 2008
Subjects:
Online Access:http://hdl.handle.net/1946/3407
Description
Summary:Árangur tíu tíma hópmeðferðar við kvíðaröskunum barna var rannsakaður. Hann var borinn saman við árangur af sex tíma samskonar meðferð sem var athugaður árið 2005. Aðalmarkmið rannsóknarinnar var því að sjá hvort fjögurra tíma viðbót, sem innihélt námsefni um félagsfærni, ákveðni og þrautalausn, myndi bæta árangurinn. Hópmeðferðin var haldin á BUGL og þátttakendur voru börn á aldrinum 7-13 ára og foreldrar þeirra (N=4). Börnin voru ýmist greind með ofurkvíðaröskun, aðskilnaðarkvíða eða áráttu-og þráhyggjuröskun. Árangurinn var fundinn með stöðluðum spurningalistum sem mátu kvíðaeinkenni (MASC), tilfinningaleg vandamál, erfiðleika í hegðun, félagsfærni, samskiptavanda (SDQ) og þunglyndiseinkenni (CDI). Einnig var lagður fyrir listinn Huglægt mat á kvíðahegðun barnsins þíns og listi sem mat ánægju foreldra með hópmeðferðina. Þátttakendur svöruðu spurningalistunum fyrir meðferð, eftir sex tíma og eftir tíu tíma. Skor listanna voru borin saman við skor tilrauna-og samanburðarhóps rannsóknarinnar frá árinu 2005. Helstu niðurstöður voru þær að árangur lengri meðferðar var sá sami og styttri meðferðar. Eftir sex tíma meðferð var marktæk lækkun á heildarskori SDQ hjá báðum tilraunahópum og lækkun á MASC þó hún hafi ekki verið marktæk. Engin lækkun varð á Samskiptavanda og engin hækkun á Félagsfærni. Meðferðin virtist því ekki hafa áhrif á félagsfærni. Töluverð lækkun var á CDI í þessari rannsókn en hækkun varð í rannsókn ársins 2005 og því ekki hægt að draga ályktun um áhrif meðferðarinnar á þunglyndiseinkenni. Töluverð lækkun átti sér stað á huglægu mati foreldra á kvíðahegðun barnsins hjá báðum tilraunahópum og var hún marktæk eftir sex tíma í meðferð. Foreldrum fannst því meðferðin bera árangur og voru þeir jafnframt mjög ánægðir með hana samkvæmt ánægjulistanum.