| Summary: | Vefsíðan eldhress.com ásamt greinargerð sem henni fylgir er lokaverkefni til M.Ed.- prófs í menntunarfræðum við Háskólann á Akureyri. Markmið verkefnisins var að útbúa vefsíðu ætlaða einstaklingum 65 ára og eldri þar sem finna má æfingar sem miða að því að efla heilsu og þar með auka líkur á að einstaklingar geti lifað sjálfstæðu lífi í heimahúsi eins lengi og heilsa leyfir. Við gerð verkefnisins var spurningin höfð til hliðsjónar: hvernig má nota nútímatækni til að hvetja og leiðbeina eldri borgurum að hreyfa sig? Í greinargerðinni er fjallað um bakgrunn verkefnisins og reynslu höfundar í fræðilegu samhengi þar sem sjónum er beint að áhrifum reglulegrar hreyfingar á heilsu og vellíðan eldra fólks, líkamlega sem andlega. Einnig er fjallað um þá þætti sem hafa þarf í huga sem fyrirbyggjandi gegn byltum en stuðst var við rannsóknir, innlendar sem erlendar og áhersla lögð á vöðvastyrk, jafnvægi og liðleika. Seinni hluti verkefnisins er uppsetning vefsíðu en hún er byggð upp á myndböndum af æfingum sem henta eldra fólki sem fyrirbyggjandi gegn byltum og til að auka almenna heilsu og vellíðan. Settir verða inn fræðslupunktar varðandi hreyfingu og að hverju þarf að huga áður en hafist er handa. Æfingarnar sem urðu fyrir valinu á vefsíðunni miðast að því að auka styrk, bæta jafnvægi og liðleika en megin tilgangurinn með vefsíðunni er að auðvelda þessum aldurshópi aðgengi að æfingum og gefa þeim möguleika á að stunda reglulega hreyfingu undir leiðsögn fagaðila eins og geta þeirra leyfir. Vefsíðuna má finna á slóðinni: eldhress.com Efnisorð: Aldraðir, hreyfing, vöðvastyrkur, jafnvægi, liðleiki, byltuvarnir, nám fullorðinna, heilsa og vellíðan fullorðinna The creation of the website eldhress.com alongside a report on the project comprise this graduate thesis for an M.Ed.- diploma in educational studies from the University of Akureyri. The main objective of the project was to develop a website that contains exercise instructions for people 65 years and older that aim to improve general health and thereby increasing the ...
|
|---|