| Summary: | Verkefnið er lokað til 10.05.2020. Þessi heimildasamantekt er lokaverkefni höfunda til B.S. gráðu í hjúkrunarfræði við Háskólann á Akureyri. Markmið samantektarinnar var tvíþætt. Annars vegar að veita innsýn inn í reynsluheim ungra mæðra og kanna hvaða áhrif ungur aldur við barnsburð hefur á andlega líðan þeirra. Hins vegar að varpa ljósi á aðkomu hjúkrunarfræðinga í heilsuvernd ungra mæðra. Heimildum var safnað frá CINAHL, PubMed, Google scholar og leitir.is. Leitað var eftir íslenskum og erlendum ritrýndum heimildum, fræðigreinum og bókum. Eins voru fengnar heimildir frá Embætti landlæknis, Hagstofu Íslands og World Health Organization. Í upphafi var fjallað um unglingsárin, kynþroskaskeiðið og mikilvægi kynheilbrigðisþjónustu til unglinga. Farið var inn á notkun getnaðarvarna og tíðni þungana og fóstureyðinga á Norðurlöndum. Næst var fjallað um ungar mæður og áskorun tengda móðurhlutverkinu. Sérstaklega var lögð áhersla á andlega vanlíðan ungra mæðra og að kanna hvað veldur því að þær virðist eiga erfiðara andlega heldur en mæður sem eldri eru. Að lokum var aðkoma hjúkrunarfræðinga tekin fyrir þar sem megin áhersla var lögð á skimun, fræðslu og stuðning. Við gerð samantektarinnar kom í ljós að ungar mæður standa frammi fyrir ýmsum áskorunum og þær eru því líklegri til þess að upplifa vanlíðan heldur en mæður sem eldri eru. Algengt er að ungar mæður komi úr erfiðum félagslegum aðstæðum, hafi lítinn sem engan stuðning heiman frá ásamt því að upplifa neikvætt viðhorf frá samfélaginu. Því er mikilvægt að heilbrigðisstarfsfólk hafi víðtækan skilning og þekkingu á áhættuþáttum sem stuðla að andlegri vanlíðan og geti gripið inn í með viðeigandi úrræðum. This literature review is the authors' final thesis for a B.Sc. degree in nursing at the University of Akureyri. The aim of the thesis was twofold. On one hand, to provide insight into the experiences of young mothers and to investigate the impact of childbirth at a young age on their mental well-being. On the other hand, to shed light on the involvement of ...
|
|---|