| Summary: | Rannsóknaráætlun þessi er lokaverkefni til B.S. prófs í hjúkrunarfræði við Háskólann á Akureyri. Undanfarin misseri hefur umræða átt sér stað hérlendis þar sem tekist er á um hvort leyfa eigi einstaklingum með ólæknandi sjúkdóma eða deyjandi einstaklingum að nýta sér líknardráp eða dánaraðstoð. Tilgangur fyrirhugaðrar rannsóknar er að kanna viðhorf til líknardráps og dánaraðstoðar á meðal heilbrigðsstarfsfólks og skjólstæðinga heilbrigðiskerfisins með lífsógnandi sjúkdóma og aðstandanda þeirra. Einnig er tilgangurinn að kanna hvaða lagalegu og siðfræðilegu þættir geti haft áhrif á ákvörðun um lögleiðingu þess. Notast verður við blandaða rannsóknaraðferð og verður gagna aflað með stöðluðum spurningalista, hálfstöðluðum einstaklingsviðtölum og samræðum í rýnihópum. Líknardráp hefur verið iðkað í margar aldir en með tilkomu kristni var farið að líta það hornauga. Í flestum löndum sem lögleitt hafa líknardráp og/eða dánaraðstoð er það í höndum lækna að ávísa, afhenda eða gefa lyfið sem á að nota. Þeir þurfa einnig að taka afstöðu til þess hvort viðkomandi falli undir þau skilyrði sem þarf að uppfylla til að mega þiggja meðferðina. Hjúkrunarfræðingar eru oft þeir sem skjólstæðingar með lífsógnandi sjúkdóm leita til þegar kemur að því að ræða óskir sínar um lífslok. Nokkur lönd hafa lögleitt líknardráp og/eða dánaraðstoð, en misjafnt er hvaða skilyrði skjólstæðingurinn þarf að uppfylla. Hjúkrunarfræðingar eru yfirleitt hlynntari bæði líknardrápi og dánaraðstoð en læknar en helstu rökin með þeim er sjálfræði einstaklingsins og réttur hans til að vera laus undan óbærilegum kvölum af völdum sjúkdóms. Helstu mótrökin snúast hins vegar um að líknardráp og dánaraðstoð samræmist ekki hlutverki og ábyrgð heilbrigðisstarfsfólks. Lykilhugtök: Líknardráp, dánaraðstoð, viðhorf, lífsógnandi sjúkdómar, sjálfræði. This research proposal is a thesis for a B.Sc. degree in nursing at the University of Akureyri in Iceland. In recent years in Iceland there has been an ongoing discussion about whether to allow euthansia and/or assisted ...
|
|---|