| Summary: | Rannsóknaráætlun þessi er lokaverkefni til B.S. gráðu í hjúkrunarfræði við Háskólann á Akureyri. Markmið rannsóknarinnar er að kanna hvaða ástæður eru fyrir því að foreldrar kjósa að bólusetja ekki börn sín. Rannsóknin hefur þann tilgang að grafa dýpra í þær ástæður og tilfinningar sem foreldrar kunna að hafa fyrir þeirri ákvörðun. Með því að þekkja ástæður foreldra sem kjósa að bólusetja ekki börn sín mætti í framhaldinu koma betri fræðslu af stað til að upplýsa þá betur um gagnsemi bólusetninga. Ástæður þess að sumir foreldrar bólusetja ekki börn sín virðast oft á tíðum vera vegna rangra upplýsinga og þekkingarleysis. Rannsóknarspurning fyrirhugaðrar rannsóknar er: Hver er ástæða þess að foreldrar kjósa að bólusetja ekki börn sín? Notast verður við eigindlega rannsóknaraðferð til að leita svara við rannsóknarspurningunni. Telja höfundar rýnihópa henta best við gerð rannsóknarinnar þar sem foreldrar sem kjósa að bólusetja ekki börn sín eru í minnihluta. Eigindleg rannsóknaraðferð er talin henta vel þegar ekki er vitað fyrirfram hvaða spurningar eiga við. Rýnihópar eru taldir æskileg aðferð þegar rannsaka á einstaklinga sem hafa sameiginlega reynslu eða viðhorf líkt og í fyrirhugaðri rannsókn. Með rýnihópum er hægt að skoða viðhorf minnihlutahópa og öðlast þannig betri skilning á því rannsóknarefni sem við á. Höfundar telja að með gerð slíkrar rannsóknar hér á landi sé hægt að bæta þekkingu foreldra á gagnsemi bólusetninga. Í kjölfarið gætu þeir tekið upplýsta ákvörðun um að bólusetja börn sín og þannig viðhaldið ákjósanlegri bólusetningartíðni innan samfélagsins. Lykilhugtök: bóluefni, bólusetning, smitsjúkdómar, hjarðónæmi, börn, skoðun foreldra This research proposal is a thesis submitted towards a B.S. degree in Nursing at the University of Akureyri. The goal of this research proposal is to look at the reasons why parents choose not to vaccinate their children. The research purpose is to dig deeper into those reasons and emotions parents may have in regards to their decision. By knowing the reasoning of ...
|
|---|