| Summary: | Miklar breytingar hafa sér í lagi orðið á lagaumhverfi smábátaútgerða og má fullvíst telja að sumar þessara breytinga séu af hinu góða, en að aðrar séu ekki eins góðar. Bátur sem er innan við 15 metra langur og 30 brúttótonn flokkast í dag sem smábátur, en gífurlegur munur getur verið á stærð, aðbúnaði og afkastagetu á milli báta í þessum útgerðarflokki. Í þessari rannsókn er farið yfir helstu breytingar sem orðið hafa á stjórn fiskveiða á síðustu áratugum og athyglinni þá aðallega beint að smábátum. Jafnframt er kannað hvort lesa megi út eitthvert mynstur sem sýnir hver áhrif breytinganna hafa verið á smábátaútgerð í landinu. Notast er við gögn frá Fiskistofu þar sem hægt er að rekja aflamagn sem landað var innan einstakra hafna. Litið er á aflatölur í fjórum völdum höfnum á tímabilinu 1995-2015 með fimm ára millibili, en fyrir valinu urðu fjórar mikilvægar smábátahafnir sem þóttu gefa gott þversnið af landinu þ.e. Húsavík, Stöðvarfjörður, Ólafsvík og Flateyri. Árið 2009 hófust strandveiðar og kunna þær að skekkja samanburðinn yfir tímabilið, en leitast hefur verið við að einangra strandveiðibáta frá í þessari greiningu. Því eru eingöngu bátar sem lönduðu yfir 15 tonnum á fiskveiðiári gjaldgengir í rannsókninni. Hlutdeild tíu stærstu útgerða krókaaflamarksins er einnig skoðuð, en líklegt þykir að umtalsverð samþjöppun sé að eiga sér stað í krókaaflamarkskerfinu og að stærstu fyrirtækin séu að verða stærri og stærri með hverju ári sem líður. Með þessu verkefni er ætlunin að sýna hver þróun smábátaútgerðar hefur verið á undanförnum áratugum og kanna hvort samþjöppun aflaheimilda hefur átt sér stað. Jafnframt verður skoðað hvort um fækkun báta sé að ræða samhliða því. (LYKILORÐ): Fiskveiðistjórn, smábátaútgerð, aflaheimildir, fiskvinnsla, krókaaflamark. Within the last two decades numerous changes have been made within the system regarding small-scale coastal boats. From the year 2013, boats that are 15 meters or shorter and 30 GT have been classified as "small-scale coastal vessels". Within this study, the ...
|
|---|