| Summary: | Af virðingu við eiganda, sögu og náttúru fær eyðibýlið að standa ósnert og hýsir áfram dýrin sem þegar hafa tekið yfir. Litlu ofar í hlíðinni, með yfirsýn yfir rústina, er niðurgrafið afdrep rithöfundarins sem blandast umhverfinu af mikilli nærgætni og er að mestu falið. Líkt og í Moldbrekku hringa rýmin sig í kringum eldstæði fyrir miðju. Hver gluggi rammar inn ólík sjónarhorn, ofanjarðar og neðan, og eykur flæði náttúru, dýra- og umhverfishljóða inn í afdrepið. Þetta veitir rithöfundi innblástur til skrifa og daglegra starfa. Þarna getur hann lifað óséður, án samskipta við aðra, í rými sem hámarkar upplifun. Rithöfundurinn, fluga á vegg.
|
|---|