| Summary: | Í þessari skýrslu er fjallað um B.Sc. lokaverkefni í tölvunarfræði sem unnið var við Háskólann í Reykjavík. Verkefnið ber heitið Hlutun en Hlutun er aðferð til að aðstoða lesblinda við að æfa lestur. Aðferðin felst annars vegar í því að setja aukið bil á milli stafa í orðum en hinsvegar í því að setja aukið bil á milli orða. Höfundur aðferðarinnar, Þorkatla Elín Sigurðardóttir, vann að þróun og rannsóknum á virkni aðferðarinnar í sálfræðinámi sínu frá árinu 2016. Niðurstöður óútgefinna rannsókna hafa bent eindregið til þess að aðferðin hjálpi lesblindum við að lesa hraðar og gera færri villur í lestri. Verkefnið var nýsköpunarverkefni og snérist um að hanna og smíða hugbúnað sem myndi gera aðferðina aðgengilegri fyrir höfund hennar ásamt þeim meðferðaraðilum sem kynnu að nýta sér hana í framtíðinni.
|
|---|