| Summary: | Markmið rannsóknarinnar er í fyrsta lagi að skoða hugmyndir foreldra um æskilega frammistöðu sína í uppeldishlutverkinu, hvað þeir telja einkenna góða foreldra. Í öðru lagi að skoða hverjar foreldrar telja helstu hindranir góðrar frammistöðu, hvað þeim finnist erfitt við hlutverk sitt og þá hvort þeir telji sig hafi þörf fyrir stuðning. Þátttakendur voru 208 foreldrar/forráðamenn barna í 2., 5. og 9. bekk í þremur grunnskólum í Reykjavík og voru spurningalistar lagðir fyrir þá. Niðurstöður voru þær að um 30-90% foreldra finnst helstu einkenni góðra foreldra þau að þeir sýni barni sínu kærleika og umhyggju; hafi skýr mörk/reglur og framfylgi þeim; sýni barni sínu virðingu; og séu góðar fyrirmyndir. Þetta voru niðurstöður bæði við opnum og lokuðum spurningum um einkenni góðra foreldra. Efst á blaði við báðum spurningum var að sýna barninu kærleika (umhyggju, væntumþykju). Af styrkleikum sínum nefna foreldrarnir oftast (14-24%): að þeir séu ástríkir/kærleiksríkir; verji tíma með barninu; séu hlýir/blíðir; hlusti; og hafi aga/skýran ramma. Öllum foreldrum finnst þeir bera megin ábyrgð á uppeldi barna sinna. Um þriðjungi foreldra finnst erfiðast við hlutverk sitt: ábyrgðin á börnunum og uppeldinu; tímaskortur og erfiðleikar við að samræma heimili og vinnu; og að halda uppi aga og reglum. Um og yfir 90% foreldra telja uppeldishlutverkið veita sér ánægju; þeir eigi náið samband við barn sitt; séu stoltir af barni sínu; og finnst skemmtilegt að verja tíma með barninu. Um 80% foreldra telja sig góða uppalendur. Almennt vildu foreldrarnir helst bæta sig í því að hafa meiri tíma fyrir börnin sín og í samskiptum við þau (um og yfir þriðjungur). Meirihluta foreldra (80%) finnst þeir vera að fá þann stuðning við uppeldi barna sinna sem þeir telja sig þurfa á að halda. Einnig segist meirihluti þeirra (um 60-90%) stundum eða oft lesa greinar um uppeldi í dagblöðum og tímaritum; á netinu; eða í bókum. Þá segjast um og yfir 90% foreldra ræða um uppeldi við maka sinn, vini og kunningja, eða foreldra og systkini. Foreldrar telja ...
|
|---|