| Summary: | Þessi 60 eininga meistararitgerð í þjóðfræði veitir innsýn í viðhorf og upplifun nokkurra borgarbúa af efnislegum þáttum miðborgar Reykjavíkur. Ritgerðin byggir á eigindlegri rannsóknaraðferð og skynrænni aðferðafræði. Viðtöl voru tekin sumarið 2016 við einstaklinga sem hafa sérfræðiþekkingu um tiltekin málefni miðborgarinnar, hagsmunaaðila og nokkra almenna íbúa borgarinnar en viðtölin við þá síðastnefndu voru tekin í gönguferð um svæðið. Miðborgin hefur tekið ýmsum breytingum í gegnum tíðina en nú sem aldrei fyrr eru breytingar að eiga sér stað á svæðinu. Upplifun þátttakenda af svæðinu tekur því til ólíkra efnislegra þátta, meðal annars vegna framkvæmda, frá nýbyggingum og gömlum húsum, þar sem húsaflutningar, niðurrif, endurbætur, eftirlíkingar og friðunarmál koma við sögu. Í ritgerðinni er varpað ljósi á merkingu og gildi hlutlægra þátta miðborgarsvæðisins í hugum þátttakenda. Þeir eru bundnir svæðinu tilfinningaböndum heimamanns og eiga þaðan minningar sem margar eru dýrmætar. Staðartengsl þátttakenda við miðborgina er mikilvægur áhrifavaldur í allri upplifun af svæðinu og því viðhorfi sem þeir hafa tileinkað sér gagnvart henni. Tengslunum vilja þeir viðhalda og varðveita. Meðal þess sem kom fram er að gildismat og fegurðarskyn eru mikilvægir þættir í upplifun þátttakenda af efnislegum þáttum miðborgarinnar og einnig hvernig þeir skynja fortíðina í samtímanum. Áhrifin sem þeir upplifa er samspil margra þátta, þess sem býr með þeim og þess sem borgin geymir, áhrif sem öll vinna saman. Mikilvægi miðborgarinnar er ótvírætt í hugum þátttakenda því þar finna þeir kjarna eða hjarta borgarinnar. This 60 ECTS master´s thesis in ethnology gives insight into how several residents in Reykjavík experience and view the city centre of their hometown, the oldest part of the city. The thesis and its data collection are based on qualitative research method and sensory ethnography. In the summer of 2016 in-depth interviews were conducted with specialists, stakeholders and several local residents of the city which were ...
|
|---|