| Summary: | Háarktískir vaðfuglar ferðast um og staldra við á Íslandi á leið milli vetrar- og varpsvæða. Þeir sækja í fjörur landsins, einkum á Suðvestur- og Vesturlandi og safna forða til áframhaldandi ferðalags til varpstöðva á Grænlandi og í Kanada. Í þessari rannsókn var fæða vaðfugla á fartíma að vori skoðuð og tilraun gerð til að varpa ljósi á mikilvægustu fæðuhópa hverrar tegundar. Sérhæfing og skörun tegundanna í fæðuvali var metin og fæðuvalið borið saman við fyrirliggjandi þekkingu á fæðu á vetrarstöðvum. Almennt reyndust flestar tegundir ósérhæfðar, ásamt því að mikil skörun var í fæðuvali tegunda. Sanderlur sóttu í fjölbreytta fæðu, þó aðallega úr uppreknu þangi og seti. Tildrur átu fjölbreytta fæðu bæði úr grýttri fjöru og uppreknu þangi. Sandlóur átu aðallega burstaorma, þangflugulirfur og þangflugur en nýttu sér flesta fæðuhópa allra vaðfuglategundanna sem skoðaðar voru. Rauðbrystingar sýndu mestu sérhæfinguna og átu nær eingöngu þangdoppur, en einnig þangflugulirfur. Lóuþrælar voru ósérhæfðir og átu ána, tvívængjur og marflær. Þekking á fæðu þessara fuglastofna á fari er gloppótt og mikilvægi mismunandi fæðutegunda hefur ekki verið metið áður á þennan hátt á Íslandi. Því varpa ég hér nýju ljósi á fæðu vaðfuglastofna sem eru mikilvægur hluti íslenskra fjara og þessi skrif gætu nýst sem upplýsingar til verndunar þeirra og annars fjörulífs. High Arctic wader populations stop in Iceland on their way from wintering grounds in Europe and Africa to the high Arctic in Greenland and Canada. These populations seek sandy and muddy beaches and rocky shores on the southwest and west part of Iceland. Little is known about their diet in this sub-Arctic stopover site and whether they specialize in the same type of prey items as they do on their wintering grounds or if they are more generalized in their strategy. Resource utilization within the same community on a stop-over site is interesting and investigation of resource portioning is necessary to understand the mechanisms that influence the structure of the community. ...
|
|---|