| Summary: | Markmið með þessari rannsókn var að skoða hver reynsla kennara er af áreitni nemenda og foreldra og hvaða áhrif hún hefur á líðan þeirra, bæði persónulega og faglega. Rannsóknarspurningarnar sem lagt var upp með eru: Hver er reynsla kennara af áreitni foreldra og nemenda? Hver eru áhrif áreitni á líðan þeirra í starfi og einkalífi? Þetta er eigindleg rannsókn og fór öflun gagna fram með viðtölum við tíu kennara. Kennararnir eru allir starfandi grunnskólakennarar sem kenna við grunnskóla á höfuðborgarsvæðinu og Vesturlandi. Viðtölin voru tekin upp og afrituð og að því loknu þemagreind. Kennararnir hafa allir orðið fyrir áreitni af hendi nemenda og foreldra, allt frá því að vera hunsaðir og ögrað af nemendum til líkamlegra árása nemenda. Áreitni foreldra felst í hótunum, ógnunum og að þeir eru ósamvinnufúsir. Þar sem foreldrar eru í samstarfi við skólana er auðveldara að taka á erfiðum nemendamálum. Áhrifin á líðan kennara, bæði í starfi og einkalífi eru mikil. Þeir upplifa það að mikill tími fari í að leysa mál nokkurra nemenda og það hafi áhrif á kennslu og undirbúning. Þeir eru þreyttir og bugaðir og eiga litla orku eftir þegar heim er komið. Sumir þeirra hafa farið í veikindaleyfi vegna vanlíðunar og álags. Kennararnir upplifa líka mikið úrræðaleysi í skólunum og skólakerfinu til að takast á við erfiða hegðun nemenda. Von mín er sú að þessar niðurstöður geti varpað ljósi á starfsaðstæður kennara og verði til þess að stærri rannsóknir verði gerðar. Í þessari rannsókn kom greinilega fram að kennarar telja þau auknu verkefni, svo sem innleiðingu nýrrar aðalnámskrár, innleiðingu nýs námsmats og aðlögun að nýjum mentor, leiða til áreitni og aukins álags í starfinu. This research uses qualitative research methods with data collected by interviewing ten teachers. All of those teachers work within compulsory schools, either within the capital region or the western part of Iceland. The interviews were recorded, transcribed and analysed, in order to indendify meaningful themes from the data. All of the teachers had ...
|
|---|