Áhrif tónlistarnáms á námsárangur barna í stærðfræði og íslensku

• Main Author: Hjalti Jónsson
• Other Authors: Háskólinn á Akureyri
• Format: Thesis
• Language: Icelandic
• Published: 2009
• Subjects: Sálfræði; Tónlistarnám; Námsgengi; Stærðfræði; Íslenska; Akureyri
• Online Access: http://hdl.handle.net/1946/3176

Viðfangsefni rannsóknarinnar var að skoða áhrif tónlistarmenntunar á námsárangur grunnskólanema. Áhrif tónlistarmenntunar eru umdeild og gefa niðurstöður rannsókna á því sviði ólíkar niðurstöður. Til þess að skoða þessi áhrif voru einkunnir nemenda Brekkuskóla í íslensku og stærðfræði skoðaðar sjö annir aftur í tímann. Nemendur Brekkuskóla sem skráðir voru til náms í Tónlistarskólanum á Akureyri lentu í tónlistarhóp, 44 talsins og nemendur sem ekki voru skráðir í Tónlistarskólann á Akureyri lentu í samanburðarhóp einnig 44 talsins. Niðurstöður rannsóknarinnar voru að tónlistarhópurinn var með marktækt hærri meðaleinkunn í stærðfræði F(1, 86) = 5,2, p < ,05. en ekki í íslensku. Munur á stærðfræðieinkunnum hópanna hélst stöðugur eftir því sem leið á tónlistarnámið á meðan munur hópanna í íslensku minnkaði. Niðurstöðurnar benda til þess að það séu tengsl á milli tónlistarnáms og meiri stærðfræðilegrar getu.