| Summary: | Markmið þessarar rannsóknar er að skoða hvort tengsl séu á milli skjátíma, holdafars og líkamsímyndar unglinga. Rannsóknin er hluti af stærri rannsókn sem heitir „Heilsuhegðun ungra Íslendinga“. Þátttakendur voru nemendur í 10. bekk árið 2015 og var notast við niðurstöður frá 293 einstaklingum sem komu úr sex mismunandi grunnskólum í Reykjavík. Rannsóknin er þversniðsrannsókn sem byggir á megindlegri aðferðafræði, þar sem þátttakendur svöruðu spurningalista um skjátíma og hvort þeir væru ánægðir með líkama sinn. BMI var reiknað út frá hæð og þyngd. Tölfræðileg úrvinnsla fólst í lýsandi tölfræði fyrir helstu breytur ásamt greiningu á tengslum milli skjátíma, holdafars og líkamsímyndar. Greiningin var kynjaskipt og var gerð með SPSS tölfræðiforritinu. Niðurstöður rannsóknarinnar sýndu að 64% drengja og 37% stúlkna teljast vera með mjög góða líkamsímynd. Marktækur munur fannst á líkamsímynd milli BMI flokka, 72% þátttakenda undir kjörþyngd en aðeins 25% of þungra/of feitra töldust hafa mjög góða líkamsímynd. Þátttakendur vörðu talsvert meiri tíma í skjánotkun en alþjóðleg viðmið segja til um(2 klst. á dag) en að meðaltali vörðu þátttakendur 5,9 klukkustundum á dag fyrir framan skjá. Ekki var marktækur munur á heildarskjátíma drengja (6,2 klst.) og stúlkna (5,7 klst.). Marktækur munur var á sundurliðuðum skjátíma milli kynja, þ.e. netnotkun og tölvuleikjaspilun, en ekki var marktækur munur á sjónvarpsáhorfi. Það virðist vera svo að aukinn skjátími hafi tengingu við aukna kyrrsetu sem svo virðist leiða til ofþyngdar eða offitu sem virðist svo tengjast því hvernig fólk lítur á sjálft sig og hvernig þeim líður með líkama sinn. Undanfarin ár hefur áhugi aukist á áhrifum og afleiðingum mikils skjátíma. Mikilvægt er að viðurkenna þann vanda sem skjátíminn er orðinn og vinna að lausn vandans. The aim of this research is to find out if there is an association between screentime,body composition and body image in adolescents. Participants were 10th grade students in the spring of 2015, in this study we used data from 293 ...
|
|---|