| Summary: | Verkefnið er lokað til 01.06.2023. Færni háskólanema við iðju byggir á því hve vel þeim tekst að viðhalda iðjumynstri sem endurspeglar sjálfsmynd þeirra. Iðja íslenskra háskólanemenda einskorðast ekki við námið heldur vinna margir með námi, halda heimili og sinna börnum sínum, en svo mörg og fjölbreytt viðfangsefni þekkjast ekki meðal háskólanema í öðrum löndum. Íslenskir háskólanemendur eru því margir hverjir störfum hlaðnir þannig að útilokað er að þeir geti sinnt öllum sínum viðfangsefnum svo vel sé. Tilgangur rannsóknarinnar var að sjá hvaða augum háskólanemar líta færni sína við daglega iðju og hve miklu máli hún skiptir þá. Eftirfarandi rannsóknarspurningar leiddu rannsóknina: 1). Hvernig meta háskólanemendur færni sína við daglega iðju? 2). Hversu mikilvæg er dagleg iðja háskólanemendum? 3). Hvaða iðju vilja háskólanemendur ráða betur við? Til að leita svara við spurningunum var notast við megindlega aðferðafræði, með þversniði. Þátttakendur í rannsókninni voru 181 nemandi af öðru og þriðja ári í BA/BS námi við Háskólann á Akureyri. Matstækið Mat á eigin iðju var notað til að meta færni og gildi þeirra. Niðurstöður sýna að háskólanemendur meta færni sína við daglega iðju almennt góða og eru afar fá atriði sem þeir eiga erfitt eða mjög erfitt með. Sem dæmi má nefna að þeir eiga erfitt eða mjög erfitt með að slaka á og njóta sín og einbeita sér að verkefnum sínum. Það sem háskólanemendum finnst skipta mestu máli er að geta mætt grunnþörfum sínum og annast þá sem þeir bera ábyrgð á. Háskólanemendur óska sér að verða betri við að einbeita sér að verkefnum sínum, halda utan um fjármálin sín og koma í verk því sem þeir þurfa að gera. Lykilhugtök: Háskólanemendur, færni, gildi, Mat á eigin iðju. University students’ competency performing in occupational roles (occupations) depend on how well they manage to keep their doings in organized daily patterns and routines that reflect their identity. The occupations of Icelandic university students are not limited to their role as students; many of them work ...
|
|---|