| Summary: | Verkefnið er opið nemendum og starfsfólki Háskólans á Akureyri Lokaverkefni þetta fjallar um fötluð börn í Leikskólum Reykjanesbæjar. Fyrri hlutinn fjallar um sögu fötlunar, helstu kenningar sem höfðu áhrif á réttindi fatlaðra og frumkvöðul á Íslandi í málefnum er varða fatlaða einstaklinga. Því næst verður fjallað um rétt barnsins, lög og reglugerðir, salamanca-yfirlýsingin verður útskýrð sem og uppeldi og nám án aðgreiningar. Fjallað verður um hverfisleikskóla, aðlögun barna, foreldrasamstarf og upplifun foreldra en einnig um stefnu Reykjanesbæjar með tilliti til fatlaðra barna. Loks verður fjallað um könnun sem gerð var meðal leikskólastjóra í Reykjanesbæ. Tekin voru viðtöl við alla leikskólastjóra í Reykjanesbæ og lagðar fyrir þá fjórar spurningar sem fjölluðu um móttöku fatlaðra barna í leikskólum Reykjanesbæjar. Meginmarkmið þessarar könnunar var að athuga hvernig Reykjanesbær stendur sig í málefnum fatlaðra barna í leikskólum, með tilliti til laga og reglugerða. Megin niðurstöður voru þær að leikskólarnir eru mjög misjafnlega undir það búnir að taka á móti fötluðum börnum. Sumir leikskólanna eru mjög vel undir það búnir að taka á móti fötluðum einstaklingum út frá húsnæði, mannauði og stefnu leikskólans. Sumir eru vel undir það búnir að taka á móti fötluðum börnum út einhverjum þessara þátta. Enn aðrir eru alls ekki undir það búnir að taka á móti fötluðum börnum hvorki út frá húsnæði, mannauði né stefnu leikskólans. Viðtölin við leikskólastjórana verða borin saman og stefnur þeirra í sérkennslumálum. Allt er þetta skoðað út frá sjónarhóli leikskólastjóra en ekki barnanna sjálfra.
|
|---|