| Summary: | Í upphafi 20. aldar tók tónlistarlífið á Íslandi gífurlegum breytingum og framförum en fram að því hafði það verið hefðbundið, þróun þess tiltölulega hæg og tónlistarkennsla verið takmörkuð. Á 20. öldinni bárust til Íslands nýjar hugmyndir frá meginlandi Evrópu þegar nokkur fjöldi Íslendinga fluttist aftur heim til Íslands eftir að hafa lagt stund á tónlistarnám erlendis auk þess sem fjöldi erlendra tónlistarmanna kom til landsins. Þessir erlendu tónlistarmenn lögðu mikið af mörkum við að efla tónlistarlíf landsins með því að kynna erlendar stefnur og strauma, stjórna hljómsveitum, kenna tónlist og útsetja og semja verk auk þess sem þeir léku á hljóðfæri og skemmtu landsmönnum. Vegna áhrifa þeirra tók þróun íslensks tónlistarlífs stórt stökk og mun styttri tíma en hún hefði annars gert. Framlag þeirra er Íslendingum því enn í dag ákaflega mikilvægt. Hluti þeirra erlendu tónlistarmanna sem komu til landsins á 20. öld lék á blásturshljóðfæri og skiptu þeir sköpum í því að hljómsveitarstarf efldist til muna á Íslandi, sem og að Íslendingar lærðu á blásturshljóðfæri. Páll Pampichler Pálsson var einn þeirra erlendu blásturshljóðfæraleikara sem komu til Íslands og lagði hann mikið af mörkum í menntun nemenda á blásturshljóðfæri auk þess sem hann efldi hljómsveitarstarf og tónlistarlíf landsmanna almennt til mikilla muna. Það gerði hann með því að kenna börnum hljóðfæraleik, stjórna lúðrasveit og kór áhugamanna, sem og Sinfóníuhljómsveit Íslands auk þess sem hann útsetti og samdi fjölda verka. Til að varpa ljósi á þróun tónlistarlífsins á Íslandi og áhrif erlendra tónlistarmanna sem komu hingað til lands eru hvort tveggja sögulegar heimildir skoðaðar og stuðst við viðtöl, m.a. við Pál Pampichler Pálsson. In the early 20th century, musical life in Iceland changed drastically and made extraordinary progress. Up to that time it had been quite insular; progress had been slow and musical education was limited. In the 20th century, new ideas came to Iceland from the mainland of Europe when some Icelanders moved back home ...
|
|---|