Summary: | Tilgangur þessarar rannsóknar var að kanna hvort efnahagslega afkoma framtalsskyldra meðaltals íbúa á Íslandi á árunum 1998 til 2016 hefði leitt til ójafnaðar eða jafnaðar heildartekna og eiginfjár þeirra eftir kjördæmum og sveitarfélögum ásamt því að skoða, frá sama sjónarhorni, munstur meðal heildarskulda sem hlutfall af meðal heildartekjum. Sérstaklega er þetta áhugavert í ljósi þess að á tilteknu tímabili var hægfara efnahagslegur hagvöxtur, góðæri, hrun og efnahagsleg upprisa eftir hrunið, og hvert þessara skeiða stóð í nokkur ár. Samanburður rannsóknarinnar laut einvörðungu að fjárhagsstöðu framtalsskylds meðaltals íbúa í hverju sveitarfélagi og kjördæmi. Horft var á kjördæmi landsins sem fimm því Reykjavík er hér talið sem eitt. Sveitarfélögin talin 74 eins og þau voru í lok rannsóknartímabilsins. Gini-stuðullinn var notaður til að mæla breytingar á ójöfnuði meðal heildartekna og meðaltali eiginfjár íbúa á tímabilinu. Einfaldur hlutfallsreikningur var notaður til að finna hlutfall meðal heildarskulda og meðal heildartekna íbúa Samanburður á tekjuójöfnuði í upphafs og endapunkti rannsóknartímabilsins sýnir að tekjuójöfnuður hefur minnkað. Samanburður á eiginfjárójöfnuði í upphafs og endapunkti rannsóknartímabilsins sýnir að eiginfjárójöfnuður hefur aukist. Líklegasta ástæða þess er að tekjuójöfnuður jókst verulega frá árinu 1998 til 2008 sem leiddi til aukins eiginfjárójöfnuðar sem varð að mestum hluta til varanlegur. Þetta á við út frá meðal íbúa eftir bæði sveitarfélögum og kjördæmum. Hlutfall meðal heildarskulda af meðal heildartekjum hækkaði á tímabilinu og náði hæstu hæðum árin 2009 og 2010. Hlutfallið hefur farið lækkandi síðan þá en á enn langt í land með að ná stöðu ársins 1998 þrátt fyrir hækkandi tekjur. This research looks back at the years 1998 to 2015, both included. The purpose was too identify if changes in the financial standings of average citizens in Iceland´s constituencies and municipalities lead to an increase or decrease of income, and asset inequality, and in the same light, draw ...
|