| Summary: | Að lifa lífi sem er ríkt af lífsgæðum er það sem flestir sækjast eftir. Þegar við eldumst eru auknar líkur á minnkandi lífsgæðum þar sem einkenni öldrunar fara að gera vart við sig. Fyrstu einkenni öldrunar eru til að mynda minnkun á sjón, heyrn og hæð. Önnur og alvarlegri einkenni eru rýrnun á beinum og vöðvum sem leiða af sér ýmsa skerðingu. Við öldrun minnkar vöðvakraftur og vöðvaafl sem meðal annars hefur áhrif á hreyfigetu og jafnvægi. Með æskilegri þjálfun má hægja á einkennum öldrunar og viðhalda lífsgæðum til lengri tíma. Helsta markmið verkefnisins er að svara spurningum um hvort þörf sé á fræðsluefni á íslensku fyrir eldri aldurshópa og með hvaða hætti mætti koma til móts við eldri einstaklinga til að auka þekkingu þeirra, leikni og hæfni til líkams- og heilsuræktar. Spurningalisti var sendur til félagasamtaka eldri borgara á fimm stöðum á landinu. Með honum var þörfin fyrir fræðsluefni könnuð ásamt því að kanna mat þátttakenda á eigin þekkingu á líkams- og heilsurækt. Þátttakendur voru frá Selfossi, Egilsstöðum, Akureyri, Bolungarvík og Reykjavík. Drög að fræðsluefni voru unnin í tengslum við þessa rannsókn. Helstu niðurstöður voru þær að þörfin fyrir fræðsluefni á íslensku um líkams- og heilsurækt er til staðar og telja þátttakendur mikinn ávinning af útgáfu slíks efnis. Helstu niðurstöður eftir lestur um æskilega þjálfun þessa aldurshóps voru að fjölþætt þjálfun sem samanstendur af þol-, styrktar-, jafnvægis- og liðleikaþjálfun ber árangur til að auka lífsgæði og hægja á ýmsum neikvæðum einkennum öldrunar. Með því að skoða vel hugtökin þekking, leikni og hæfni og kenningar Bandura sem meðal annars taka á trú á eigin getu er æskilegt að setja upp og gefa út fræðsluefni tengt líkams- og heilsurækt fyrir eldri aldurshópa. Má draga þá ályktun að þörfin fyrir fræðsluefni sé til staðar og gæti verið hagnýtt sem lýðgrundað inngrip fyrir eldri aldurshópa. Lýðgrundað inngrip er inngrip sem hefur áhrif á lýðheilsu og hefur verið sýnt fram á meiri árangur með þeirri nálgun en sértækri íhlutun eða ...
|
|---|