Skólaráðgjöf

• Main Author: Ásta Gísladóttir 1990-
• Other Authors: Háskólinn á Akureyri
• Format: Thesis
• Language: Icelandic
• Published: 2016
• Subjects: Menntunarfræði; Meistaraprófsritgerðir; Nemendur; Líðan; Sálfræðiþjónusta; Skólaráðgjöf; Varpa; Veita; Stuðlar; Iceland
• Online Access: http://hdl.handle.net/1946/25202

Skólaráðgjöf er þekkt víða um heim en það er óalgengt að boðið sé uppá þá þjónustu í íslenskum skólum. Samkvæmt lögum verða íslenskir skólar aftur á móti að bjóða upp á náms- og starfsráðgjöf en sú ráðgjöf er að mestu leyti tengd námi og starfsvali. Skólaráðgjöf er þjónusta sem skólaráðgjafar veita en þeir hafa hafa hlotið viðeigandi háskólamenntun á sviði ráðgjafar eða sálfræðilegra meðferða. Þeir aðstoða nemendur með þau margvíslegu vandamál sem geta komið upp á skólagöngu þeirra. Þar má nefna sem dæmi aðstoð við að bæta færni í samskiptum, læra að þekkja styrkleika sína og veikleika, bæta hegðun, þjálfa reiðistjórnun og vinna með samskipti fjölskyldna svo eitthvað sé nefnt. Skólaráðgjöf hefur þróast hratt á síðustu árum og er víða orðin mikilvægur hluti af skólastarfi. Niðurstöður rannsókna sýna að skólaráðgjöf getur verið mjög áhrifarík til að styðja við andlega heilsu barna og unglinga og hjálpa þeim að komast í gegnum skólagöngu sína. Tilgangur ritgerðarinnar er að varpa ljósi á hvernig þjónusta skólaráðgjöf er og taka saman helstu atriði varðandi starf skólaráðgjafa. Markmið hennar er að vekja athygli á þessum fræðum hér á landi. Einnig verða grunnþættir almennrar ráðgjafar skoðaðir og farið yfir fjölbreyttar rannsóknir á ráðgjöf tengdri börnum, unglingum og skólastarfi. Andleg heilsa barna og unglinga hefur farið versnandi síðustu ár og andlegir kvillar svo sem kvíði og þunglyndi færast í aukana. Nemendum með greiningar virðist fjölga bæði á Íslandi og víða erlendis. Skóli án aðgreiningar er orðin yfirlýst stefna í mörgum löndum, þar á meðal á Íslandi en henni fylgir meiri fjölbreytileiki í nemendahópum. Því er mikilvægt að leita leiða til að hlúa að andlegri heilsu nemenda og bæta þannig gæði skólastarfs. Niðurstöður rannsókna sýna að skólaráðgjöf styrkir skólastarf og stuðlar að bættri heilsu barna og unglinga sem er mikilvægt þar sem þau eru samfélagsþegnar framtíðarinnar. School counseling is both known and widely used around the world. In Iceland it is uncommon that schools offer this type of ...