Alþjóðlegt nám í Brekkuskóla : ávinningur kennara og nemenda

Markmið rannsóknarinnar var að veita innsýn í alþjóðlegt samstarf í Brekkuskóla á Akureyri og hvaða mögulegan ávinning kennarar og nemendur hafa af slíku starfi. Rannsóknin byggist á eigindlegri rannsókn og stóðu rannsóknargögn saman af fjórum viðtölum við ellefu kennara og nemendur. Tvö viðtöl voru...

Full description

Bibliographic Details
Main Author: Anna María Þórhallsdóttir 1976-
Other Authors: Háskólinn á Akureyri
Format: Thesis
Language:Icelandic
Published: 2016
Subjects:
Online Access:http://hdl.handle.net/1946/25199
Description
Summary:Markmið rannsóknarinnar var að veita innsýn í alþjóðlegt samstarf í Brekkuskóla á Akureyri og hvaða mögulegan ávinning kennarar og nemendur hafa af slíku starfi. Rannsóknin byggist á eigindlegri rannsókn og stóðu rannsóknargögn saman af fjórum viðtölum við ellefu kennara og nemendur. Tvö viðtöl voru tekin við rýnihópa kennara í Brekkuskóla sem komið hafa að alþjóðlegu samstarfi og einnig tvö tveggja manna viðtöl við nemendur skólans sem fóru erlendis á vegum alþjóðlegs verkefnis. Með því að skoða reynslu af alþjóðlegu samstarfi frá sjónarhornum bæði kennara og nemenda var leitast við að finna hver ávinningur samstarfsins er út frá mismunandi reynslu þeirra og upplifun. Niðurstöður sýndu að allir viðmælendur töldu sig hafa haft bæði faglegan og persónulegan ávinning af samstarfinu. Fram kom að kennarar hefðu hag af þeim alþjóðlegu tengslum sem slíkt samstarf skapar, þeir fá nýjar hugmyndir varðandi kennslu og kennsluhætti auk þess sem vinnan við alþjóðlegt samstarf eykur starfsánægju þeirra og kemur í veg fyrir kulnun í starfi. Nemendur töldu sig hafa námslegan ávinning af starfinu auk þess að þeir lærðu að bera virðingu fyrir annarri menningu og öðluðust nýja sýn á sitt eigið samfélag. Niðurstöður sýndu einnig að mikil vinna liggur að baki alþjóðlegs samstarfs og voru kennarar sammála um að eðlilegt væri að alþjóðafulltrúi væri starfandi við skóla til að standa vörð um alþjóðlega og fjölmenningarlega þætti skólastarfsins. Þegar niðurstöður voru bornar saman við fyrri rannsóknir kom fram að skólasamfélagið þyrfti að vanda sig betur í umræðunni um skólaheimsóknir og vera duglegra að sýna þann ávinning sem hlýst af slíkum heimsóknum og öllu alþjóðlegu samstarfi. Ávinningur alþjóðlegs samstarfs hefur lítið verið rannsakaður hér á landi hingað til og því standa vonir til að rannsóknin veiti innsýn í samfélagslegt mikilvægi slíks starfs. The aim of this research was to give some insight into international cooperation in Brekkuskóli, Akureyri and discover the potential benefits that teachers and students can gain ...