| Summary: | Fyrri rannsóknir sýndu að þorskatrypsín er virkast 15 samanburðarensíma gagnvart cytokínum er gegna hlutverki í ónæmissvörun og bólgumyndun. Þrjú náttúruleg afbrigði trypsíns (trypsín I, II og III) hafa fundist í þorski og er trypsín I í mestu magni. Auk þess hefur þetta trypsín afbrigði hæstu hvötunargetuna (kcat/KM) en hún er um 20 sinnum hærri en hjá sambærilegum trypsínum úr spendýrum. Verkefnið er hluti stærri rannsóknaáætlunar sem miðar að auknum skilningi á milli áhrifa þorskatrypsíns á frumur í rækt, hraðafræðilegra ensímrannsókna og klínískra rannsókna þar sem trypsín gaf góðan árangur við græðingu sára. Samanburður var gerður á getu þorskatrypsíns og nautatrypsíns til að rjúfa cytókín og einföld hnattlaga prótein í náttúrulegri myndbyggingu, niðurbrotspeptíð voru greind með HPLC tækni og hraði niðurbrotsins áætlaður á HPLC línuriti. Niðurstöður sýndu töluverðan mun milli ensímanna þar sem þorskatrypsínið hafði yfirburði við niðurbrot allra hvarfefnanna að einu undanskildu. Hraðafræðimælingar þar sem notuð voru X-X-Arg-pNA hvarfefni voru framkvæmdar á hreinsuðu trypsín I. Þær mælingar sýndu að amínósýrur í sætum P2 og P3 á hvarfefninu höfðu mikil áhrif á hraðafastana kcat, Km og kcat/Km, þar sem hvötunargeta trypsín I virtist meiri gagnvart hvarfefnum með stórar amínósýrur. Rannsóknasjóður Háskóla Íslands, AVS rannsóknasjóðurinn og Raunvísindastofnun
|
|---|