| Summary: | Rannsóknin fjallar um verklag félagsráðgjafa í tengslum við aðgengi að þjónustu þeirra innan Landspítala háskólasjúkrahúss. Markmið rannsóknarinnar er að kortleggja hvernig mál þjónustuþega berast inn á borð félagsráðgjafa á klínískum sviðum Landspítalans. Tilgangur rannsóknarinnar er að varpa ljósi á núverandi stöðu félagsráðgjafa innan spítalans og efla sýnileika þeirra gagnvart þjónustuþegum og öðru fagfólki. Framkvæmd var eigindleg rannsókn og átta hálfstöðluð opin viðtöl tekin við starfandi félagsráðgjafa og verkefnastjóra ásamt stjórnanda félagsráðgjafa á geðsviði spítalans. Helstu niðurstöður gefa vísbendingar um að verklag sé að jafnaði á þrjá vegu: (1) Tilvísunar- og beiðnakerfi, (2) þverfaglegir teymisfundir, (3) óformlegt verklag. Niðurstöður benda einnig til að styrk- og veikleika sé að finna innan núverandi verklags. Á sumum sviðum var verklag vel skipulagt þar sem áhersla var lögð á fyrirliggjandi verklag félagsráðgjafa og annarra heilbrigðisstarfsmanna auk þess sem ábyrgð hvers fagaðila var skýr. Á öðrum sviðum var verklag óljósara og ekki í föstu ferli. Þá benda niðurstöður til þess að sýnileiki félagsráðgjafa gagnvart þjónustuþegum væri ekki nægur. Af niðurstöðum að dæma má draga þá ályktun að þjónustuþegar myndu frekar óska eftir þjónustu félagsráðgjafa ef aðgengi og verklag væri þeim skýrt og auðsýnilegt. Lykilorð: Verklag, félagsráðgjöf, sjúkrahús, þjónustuþegar, beiðna- og tilvísunarkerfi, teymisvinna. The study focuses on aspects of practice regarding clinical social workers and access of their services at the University Hospital Landspítali, the biggest healthcare provider in Iceland. The aim of this study was to map and shed light on how the issues of the service users are actually presented for the social workers’ clinical areas of Landspítali. It was done by highlighting the status of social workers within the hospital and promoting their visibility to service users and other professionals. The research was conducted by eight semi-structured interviews with the hospital’s social ...
|
|---|