Summary: | Ritgerðin fjallar um rannsókn á áhrifum K-PALS (Kindergarten Peer Assisted Learning Strategies) á hljóðkerfisvitund, hljóða-, bókstafaþekkingu og umskráningarfærni 5-6 ára leikskólabarna. K-PALS felur í sér aðferðir til félagakennslu, þróaðar af Douglas og Lynn Fuchs við Vanderbilt háskóla. Námsefni K-PALS félagakennslu var þýtt og staðfært á íslensku árið 2010 og hefur verið notað í vaxandi mæli með elstu börnum leikskóla og 1. bekkingum grunnskóla hérlendis undanfarin ár. Í K-PALS er unnið með hljóðkerfisvitund, samband stafs og hljóðs og umskráningu. Í framhaldi af innlögn kennara í hverri kennslustund, vinna nemendur saman í pörum. Gert er ráð fyrir 25-35 mínútna kennslustundum, fjórum sinnum í viku í samtals 70 kennslustundir en í þessari rannsókn voru kennslustundirnar alls 30-45, tvisvar til fjórum sinnum í viku. Þátttakendur í rannsókninni voru 57 börn úr elsta árgangi fjögurra leikskóla á höfuðborgarsvæðinu, þar sem 30 þeirra (tilraunahópur) fengu K-PALS félagakennslu en 27 börn (samanburðarhópur) fengu hefðbundna kennslu í undirstöðuþáttum lesturs. Hljóðkerfisvitund, þekking á heitum og hljóðum bókstafa, fimi í heitum og hljóðum bókstafa, lestur orða og orðleysa voru mæld að hausti og að vori hjá báðum hópunum. Að lokinni K-PALS félagakennslu mældist tilraunahópurinn hærri en samanburðarhópurinn á öllum breytum fyrir utan fimi í heitum bókstafa. Effects of K-PALS on phonological awareness, letter sound fluency and decoding skills of preschool children in Iceland This study examined the effects of K-PALS (Kindergarten Peer Assisted Learning Strategies) on phonological awareness and other foundational reading skills of 5-6 year-old preschool children in Iceland. K-PALS is a peer tutoring program developed by Douglas and Lynn Fuchs at Vanderbilt University. K-PALS materials were translated and adapted into Icelandic in the year 2010 and have been used in a growing number of preschools and elementary schools in Iceland since. The K-PALS program trains phonological awareness, letter sounds, and decoding ...
|