Summary: | Talið er að ein af hverjum þremur til ein af hverjum fimm konum á Íslandi hafi orðið fyrir kynferðislegu ofbeldi um ævina. Vegna þess hve algengt slíkt ofbeldi er má búast við að flestir hjúkrunarfræðingar muni í starfi sínu sinna konum með slíka reynslu. Fullyrða má að meðganga og fæðing sé ein mikilvægasta upplifun í lífi hverrar konu. Miklu máli skiptir því að fæðingarreynslan sé jákvæð og valdeflandi. Tilgangur þessarar fræðilegu samantektar var að skoða hvort sú reynsla að hafa orðið fyrir kynferðislegu ofbeldi hefði áhrif á fæðingarreynslu kvenna og hvort þörf væri fyrir sérstök úrræði í barneignarferlinu fyrir konur sem hafa orðið fyrir slíku ofbeldi. Heimildaleit fór fram í gegnum gagnagrunnana ScienceDirect, PubMed, Scopus, Cinahl og Google Scholar. Til að dýpka skilning á efninu las höfundur einnig bækur og hlustaði á fyrirlestra sem tengdust viðfangsefninu. Niðurstöður samantektarinnar gáfu til kynna að konur sem hafa orðið fyrir kynferðislegu ofbeldi þjást oftar af kvillum sem bera með sér aukna áhættu á meðgöngu en konur sem ekki hafa orðið fyrir slíku ofbeldi. Þannig geta afleiðingar kynferðislegs ofbeldis haft óbein áhrif á fæðingarreynslu. Konur sem orðið hafa fyrir kynferðislegu ofbeldi glíma einnig oftar við andlega vanlíðan bæði á meðgöngu og eftir fæðingu en aðrar konur og gætir áhrifanna ekki einungis hjá konunum heldur einnig hjá börnum þeirra. Vegna þess hve alvarlegar afleiðingar kynferðislegt ofbeldi getur haft á heilsufar kvenna er mikilvægt fyrir hjúkrunarfræðinga að þekkja einkenni og afleiðingar ofbeldisins. Þannig geta hjúkrunarfræðingar borið kennsl á þessar konur og hvatt þær til að vinna úr reynslu sinni áður en að barneignum kemur. Hjúkrunarfræðingar eru einnig í lykilstöðu þegar kemur að því að bera kennsl á andlega vanlíðan eftir fæðingu og erfiðleika við tengslamyndun milli móður og barns. It is estimated that 1 in every 3 to 1 in every 5 women in Iceland has experienced sexual violence in their lifetime. Because of the prevalence of such violence an assumption can be made ...
|